(តាកែវ)៖ លោកអនុសេនីយ៍ឯក យ៉ុង ថុល (អត្តលេខ ៣៥៩៩២) រហស្សនាម ឥន្ទ្រី ខ្មៅ (នៅស្រុកកំណើតហៅ ប្រុស) ជាអតីតនាយរងប៉ុស្តិ៍នគរបាលការពារព្រំដែន ចុងព្រិច ឃុំត្រពាំងប្រិយ៍ ស្រុកអន្លង់វែង ខេត្តឧត្តរមានជ័យ បានទទួលមរណភាព បន្ទាប់ពីជន្លៀសខ្លួនទាំងមានជំងឺប្រចាំកាយ ក្នុងការប៉ះទង្គិចគ្នារវាងកម្ពុជា និងថៃ។

លោក យ៉ុង ថុល បានទទួលមរណភាពកាលពីថ្ងៃទី៣០ ខែកក្កដា ឆ្នាំ២០២៥ ក្នុងអាយុ៥៩ឆ្នាំ បន្ទាប់ពីភៀសសឹកទៅដល់ស្រុកកំណើតបាន២ថ្ងៃ នាភូមិត្បូងដំរី ឃុំក្រាំងធ្នង់ ស្រុកបាទី ខេត្តតាកែវ។

ជាអតីតយុទ្ធជនពេញមួយជីវិត លោកបានចូលរួមចំណែកយ៉ាងច្រើនក្នុងកិច្ចការបម្រើការពារជាតិ ជាពិសេសសម័យសង្គ្រាមជាមួយសៀម នៅតំបន់ព្រះវិហារឆ្នាំ ២០០៨-២០១៣ និងបន្តការពារព្រំដែន រហូតចូលនិវត្តន៍ក្នុង ឆ្នាំ២០២៣ ក្នុងឋានន្ទរស័ក្តិចុងក្រោយជាវរសេនីយ៍ត្រី និងបន្តរស់នៅជាប់ព្រំដែនរហូតដល់ថ្ងៃប៉ះទង្គិចគ្នាជាមួយទាហានថៃ។

សូមបងប្អូនខ្មែរអាចជួយតាមកម្លាំងសទ្ធា ដើម្បីឲ្យគ្រួសារបានរស់នៅប្រសើរជាងមុន ពេលអត់ពីរូបគាត់ទៅ និងមានលទ្ធភាពរៀបចំបុណ្យសពរបស់ឲ្យបានសមរម្យ តបនឹងគុណបម្រើជាតិពេញមួយជីវិត។

សូមទាក់ទងលោក យិន ពុទ្ធារ៉ា (ជាក្មួយរបស់សព) តាមរយៈទូរសព្ទ ០96 707 8018 ឬកុងធនាគារ (KHQR)។ សូមវិញ្ញាណក្ខន្ធលោក យ៉ុង ថុល រហស្សនាម ឥន្ទ្រីខ្មៅ បានដល់សុគតិភពកុំបីឃ្លៀងឃ្លាតឡើយ៕