(ភ្នំពេញ)៖ លោក ស៊ុន មេសា អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានបញ្ជាក់ជូនសារជាថ្មីថាសម្រាប់ទីផ្សារការងាររបស់កម្ពុជា ពេលនេះគឺកំពុងតែមានតម្រូវការងារ ២៥ម៉ឺកន្លែង កំពុងរង់ចាំបងប្អូនពលករខ្មែរដែលត្រឡប់ពីប្រទេសថៃមកកាន់មាតុភូមិកំណើតវិញ។

ជាមួយគ្នានេះ អ្នកនាំពាក្យក្រសួងការងារ បានជម្រាបជូនថាត្រឹមរយៈពេល២២ខែ នៃការដឹកនាំរបស់រាជរដ្ឋាភិបាលនីតិកាលទី៧ ដែលមានសម្ដេចបវរធិបតី ហ៊ុន ម៉ាណែត ជានាយករដ្ឋមន្ត្រី កម្ពុជាទទួលបានកំណើននៃរោងចក្រសហគ្រាស ប្រមាណជាង ៥,៣០០ទីតាំង ដែលនេះបង្ហាញពីឱកាសការងារបន្ថែមទៀតជូនប្រជាពលរដ្ឋខ្មែរ។

លោក ក៏បានគូសបញ្ជាក់ថា ៦ខែដើមឆ្នាំ២០២៥ គម្រោងវិនិយោគជាង ៤០០គម្រោង​ ដែលបង្កើតឱកាសការងារជាង ២៥ម៉ឺនកន្លែងបន្ថែមទៀតផងដែរ៕