(ភ្នំពេញ)៖ ទន្ទឹមនឹងការផ្សាយបំផ្លើសរបស់ថៃ ដោយចោទប្រកាន់មកលើថ្នាក់ដឹកនាំកម្ពុជាថានឹងដកសញ្ជាតិពីពលករខ្មែរដែលមិនព្រមវិលមកកាន់កម្ពុជា, លោក ស៊ុន មេសា អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានគូសបញ្ជាក់ថាការពិតនៃការសម្រុកចេញពីប្រទេសថៃ ដោយសារតែសកម្មភាពហិង្សារបស់ប្រជាពលរដ្ឋថៃ មកលើប្រជាពលរដ្ឋ និងពលករខ្មែរនៅឯប្រទេសថៃទៅវិញទេ ដែលជាដើមចមនៃការសម្រេចចិត្តចាកចេញពីប្រទេសថៃ។

បើតាមប្រសាសន៍របស់ លោក ស៊ុន មេសា អ្នកនាំពាក្យក្រសួងការងារ និងវិជ្ជាជីវៈ បានឱ្យដឹងថាគិតត្រឹមថ្ងៃទី២៨ ខែកក្កដា ឆ្នាំ២០២៥ ប្រជាពលរដ្ឋ និងពលករខ្មែរប្រមាណជាង ៤១ម៉ឺននាក់ បានចាកចេញពីប្រទេសថៃមកកាន់ប្រទេសកម្ពុជាវិញ ក្រោយការគំរាមកំហែង ការប្រើអំពើហិង្សារបស់ក្រុមជ្រុលនិយមថៃមួយក្ដាប់តូច៕