(ភ្នំពេញ)៖ ក្រសួងបរិស្ថាន បានឱ្យដឹងថា ក្នុងគោលបំណងចូលរួមផ្តោតការយកចិត្តទុកដាក់លើការជួយគាំទ្រដល់វីរកងទ័ពជួរមុខកម្ពុជា នៅតាមបណ្តោយព្រំដែនកម្ពុជា-ថៃ និងជនភៀសសឹកខ្មែរដែលកំពុងស្នាក់នៅតាមទីតាំងសុវត្ថិភាពនានា ក្រសួងបរិស្ថានបានសម្រេចលុបការរៀបចំពិព័រណ៍ «ពន្លកបៃតង» និងប្រកាសព្រឹត្តិការណ៍ ដាំដើមត្នោត ១លានដើមទូទាំងប្រទេសក្នុងឆ្នាំ២០២៥ ដែលគ្រោងប្រព្រឹត្តទៅចាប់ពីថ្ងៃទី៥ ដល់ថ្ងៃទី៧ ខែសីហា ឆ្នាំ២០២៥ នៅមុខបរិវេណវិមានឈ្នះឈ្នះ រាជធានីភ្នំពេញ។

ដោយឡែក ចំពោះកូនឈើដែលក្រសួងបរិស្ថានបណ្តុះបានជាង ៣.៤លានដើម ក្រសួងនឹងធ្វើការចែកជូនសាធារណជនដោយឥតគិតថ្លៃ នៅតាមមន្ទីរបរិស្ថានរាជធានី ខេត្ត ដើម្បីយកទៅដាំ ឱ្យបានទាន់ពេលវេលាក្នុងរដូវវស្សានេះទៅតាមការគ្រោងទុក៕