(ភ្នំពេញ)៖ លោកឧត្តមសេនីយ៍ឯក ចាន់ វ៉ាន់ធឿន ប្រធាននាយកដ្ឋាននគរបាលប្រឆាំងបទល្មើសសេដ្ឋកិច្ច រួមជាមួយថ្នាក់ដឹកនាំអនុប្រធាននាយកដ្ឋាន នៅថ្ងៃទី៣១ ខែកក្កដា ឆ្នាំ២០២៥នេះ បានអញ្ជើញចូលរួមគោរពវិញ្ញាណក្ខន្ធសពលោកវរសេនីយ៍ត្រី លៀម សំពៅមាស ដែលបានពលីជីវិតក្នុងសមរភូមិ ប្រយុទ្ឋជាមួយសត្រូវឈ្លានពានទឹកដីក្នុងភូមិសាស្រ្តខេត្តព្រះវិហារ នៅគេហដ្ឋាននៃសព ស្ថិតក្នុងភូមិមិត្តភាព សង្កាត់ព្រែកឯង ខណ្ឌច្បារអំពៅ រាជធានីភ្នំពេញ។

បន្ទាប់មកលោកឧត្តមសេនីយ៍ឯក ចាន់ វ៉ាន់ធឿន ក៏បានបន្តអញ្ជើញទៅសាកសួរសុខទុក្ខមន្ត្រីនគរបាលជាតិ ដែលបានទទួលរងរបួស ក្នុងបុព្វហេតុការពារជាតិមាតុភូមិ កំពុងសំរាកព្យាបាល នៅមន្ទីរពេទ្យមិត្តភាពកម្ពុជា-ចិន(ពេទ្យលោកសង្ឃ)ផងដែរ៕