ក្រសួងការងារ នាំយកឱកាសការងារ ៧៥០កន្លែង សម្រាប់ប្រជាពលរដ្ឋ និងពលករខ្មែរ ក្នុងខេត្តតាកែវដែលទើបត្រឡប់មកពីប្រទេសថៃ
01-08-2025 17:43
(តាកែវ)៖ ទីភ្នាក់ងារជាតិមុខរបរ និងការងារ(NEA) នៃក្រសួងការងារ និងបណ្តុះបណ្តាលវិជ្ជាជីវៈ និងមន្ទីរការងារ និងបណ្ដុះបណ្ដាលវិជ្ជាជីវៈខេត្តតាកែវ បានសហការជាមួយរដ្ឋបាលខេត្តតាកែវ និងរដ្ឋបាលស្រុកត្រាំកក់ បានបើក «វេទិកាការងារ» ដើម្បីផ្សព្វផ្សាយ និងនាំយកឱកាសការងារដល់អតីតពលករខ្មែរមកពីប្រទេសថៃ និងអ្នកស្វែងរកការងារនៅក្នុងមូលដ្ឋានសរុបចំនួន ២៥៩នាក់ នៅសាលាស្រុកត្រាំកក់ នៅថ្ងៃទី០១ ខែសីហា ឆ្នាំ២០២៥។
សូមជម្រាបដែរថា វេទិកាការងារនេះ ផ្ដល់ឱកាសសម្រាប់បងប្អូនប្រជាពលរដ្ឋនៅមូលដ្ឋាន ជាពិសេសបងប្អូនពលករខ្មែរ ដែលបានវិលត្រឡប់មកពី ប្រទេសថៃ ដើម្បីសម្ភាសការងារភ្លាមៗជាមួយក្រុមហ៊ុន សហគ្រាស និងរោងចក្រចំនួន ៣ដែលបានចុះមកផ្ទាល់ និងមានឱកាសការងារចំនួន ៧៥០កន្លែង៕
