(ភ្នំពេញ)៖ លោក ជា ធីរិទ្ធ អ្នកនាំពាក្យសម្តេចតេជោ នៅយប់ថ្ងៃទី០១ ខែសីហា ឆ្នាំ២០២៥នេះ បានរំលឹកអំពី ប្រសាសន៍សម្តេចតេជោ ហ៊ុន សែន ដែលក្រើនរម្លឹកដល់វីរៈកងទ័ពយើងជាប្រចាំ ឲ្យប្រកាន់ខ្ជាប់យ៉ាងម៉ឺងម៉ាត់នូវស្មារតីច្បាប់អន្តរជាតិ ស្មារតីជាមនុស្សជាតិ។

លោកលើកឡើងដូច្នេះថា៖ «សម្តេចតេជោ តែងតែផ្តល់ប្រឹក្សានិងក្រើនរម្លឹកដល់វីរៈកងទ័ពយើងជាប្រចាំ ឲ្យប្រកាន់ខ្ជាប់យ៉ាងម៉ឺងម៉ាត់នូវស្មារតីច្បាប់អន្តរជាតិ ស្មារតីជាមនុស្សជាតិ ពោលគឺយើងមិនត្រូវធ្វើទង្វើសាហាវព្រៃផ្សៃដើម្បីបំពេញតាមកំហឹងសងសឹក ប្រាសចាកភាពជាមនុស្សទេ ទោះបីជាសត្រូវនៅក្នុងពេលចម្បាំង តែគេក៏ជាមនុស្សជាតិដូចយើងដែរ»៕