(ព្រះវិហារ)៖ ក្រុមការងារ Traino-pabu និង Musuem-Pabu តាមរយ:សហការីព័ត៌មាន Fresh News បានដឹកជំនួយរបស់ភ្ញៀវ និងប្រជាពលរដ្ឋបានឧបត្ថម្ភយកទៅចែកជូនដល់ភៀសសឹក ដែលកំពុងស្នាក់នៅបណ្តោះអាសន្ននៅមណ្ឌលសុវត្ថិភាពនានា និងបានចែកជូនតាមគោយន្តកន្ត្រៃយ៍តាមផ្លូវនៅស្រុកឆែប ស្រុកត្បែងមានជ័យ ក្រុងព្រះវិហារ និងស្រុកជាំក្សាន្ត ខេត្តព្រះវិហារ។

អំណោយដែលក្រុមការងារនាំយកទៅចែកជូនរយៈពេល២ថ្ងៃជាប់គ្នា គឺនៅថ្ងៃទី២៨ ខែកក្កដា មានចំនួន២រថយន្តធំៗ និងថ្ងៃទី២៩ ខែកក្កដា ឆ្នាំ២០២៥ មានចំនួន១រថយន្តធំ ជាប្រភេទសម្ភារប្រើប្រាស់ និងគ្រឿងឧបភោគ បរិភោគចម្រុះ ដោយមួយផ្នែកបានយកទៅចែកជូនដល់ដៃភៀសសឹកជាច្រើនគ្រួសារ ដែលកំពុងស្នាក់នៅបណ្តោះអាសន្នក្នុងវត្តដងផ្លិត និងប្រគេនព្រះសង្ឃវត្តដងផ្លិត និងអំណោយមួយចំនួនទៀត ប្រគល់ជូនដល់អាជ្ញាធរស្រុកឆែប និងអាជ្ញាធរខេត្តព្រះវិហារ នៅទីបញ្ជាការស្រាលវត្តពោធិ៥០០០ដើម ចំនួន២រថយន្តធំ សម្រាប់ទុកចែកជូនប្រជាពលរដ្ឋភៀសសឹកផ្សេងៗទៀត។

ជាមួយគ្នានេះ បានចែកជូនជនភៀសសឹកកំពុងស្នាក់នៅបណ្តោះអាសន្ននៅវត្តប៉ាលហាល វត្តបាក់កាំ វត្តត្រាវគាត និងមួយចំនួនទៀត ចែកជូនជនភៀសសឹកនៅតាមដងផ្លូវជាច្រើនគ្រួសារ និងវីរកងទ័ពតាមព្រំដែនជាច្រើនទីតាំងផងដែរ។

លើសពីនឹងទៅទៀត ប្រាក់មូលនិធិរបស់សប្បុរសជន ដែលបានចូលរួមជាមួយក្រុមកាងារ TRAINO-PABU និង MUSEUM-PABU បានយកមកទិញរបស់សំខាន់ៗ ដែលជាតម្រូវការចាំបាច់ផ្សេងៗ របស់បងប្អូនប្រជាពលរដ្ឋភៀសសឹក ដូចជា ថ្នាំសង្កូវ និងសម្ភារ ជាច្រើនមុខទៀត៕

‼️ បញ្ជាក់: យើងខ្ញុំនៅតែបន្តទទួលជំនួយដដែរ ទីតាំង Traino-Pabu នៅបឹងកក់ជិត Eden Garden
📍 ផែនទី: https://maps.app.goo.gl/CRmri76SZfFjhtue8?g_st=ic
📱: 061 91 91 44 / 061 29 99 38

11°34'36.5"N 104°54'41.8"E (https://maps.app.goo.gl/CRmri76SZfFjhtue8?g_st=ic)
Find local businesses, view maps and get driving directions in Google Maps៕