(ភ្នំពេញ)៖ នៅថ្ងៃទី១ ខែសីហានេះ ឯកអគ្គរដ្ឋទូតសហភាពអឺរ៉ុប (EU) លោក Igor Driesmans បានចុះពិនិត្យដោយផ្ទាល់នូវផលប៉ះពាល់ដ៏ធ្ងន់ធ្ងរនៃជម្លោះព្រំដែនកម្ពុជា-ថៃ ដោយបានចូលរួមជាមួយឯកឧត្តម ប្រាក់ សុខុន រដ្ឋមន្ត្រីការបរទេស និងសមាជិកដទៃទៀតនៃអង្គទូត។

នៅក្នុងសេចក្តីថ្លែងការណ៍ សហភាពអឺរ៉ុប (EU) បានសម្តែងការស្វាគមន៍ចំពោះកិច្ចព្រមព្រៀងឈប់បាញ់ និងបានជំរុញឲ្យប្រជាជាតិទាំងពីរអនុវត្តកិច្ចព្រមព្រៀងនេះដោយសុចរិត និងស្មោះត្រង់។

EU បានបន្ថែមថា «យើងឈរដោយសាមគ្គីភាពជាមួយសហគមន៍ដែលរងផលប៉ះពាល់ដោយជម្លោះនេះ»៕