(ភ្នំពេញ)៖ លោកវរសេនីយ៍ឯក សុខ ម៉េងឡុង មេបញ្ជាការរង កងរាជអាវុធហត្ថខេត្តព្រះសីហនុ នៅថ្ងៃទី២ ខែសីហា ឆ្នាំ២០២៥នេះ បានឧបត្ថម្ភថវិកាចំនួន២០លានរៀល និងសប្បុរសជននានា ជាច្រើនទៀត ក៏បានឧបត្ថម្ភថវិកា ដល់កងពលតូចដឹកជញ្ជូនលេខ៩៩ ដើម្បីយកទៅធ្វើម្ហូបអាហារជូនដល់បងប្អូនវីរមកងទ័ពជួរមុខ។

លោកឧត្តមសេនីយ៍ទោ ហ៊ុល សំអុន មេបញ្ជាការកងពលតូចដឹកជញ្ជូនលេខ៩៩ បានថ្លែងអំណរគុណយ៉ាងជ្រាលជ្រៅ ចំពោះលោកវរសេនីយ៍ឯក សុខ ម៉េងឡុង មេបញ្ជាការរង កងរាជអាវុធហត្ថខេត្តព្រះសីហនុ ដែលបានឧបត្ថម្ភថវិកាចំនួន២០លានរៀល រួមទាំងសប្បុរសជននានា ជាច្រើនទៀត ដែលបានជួយតាមរយៈកងពលតូចដឹកជញ្ជូនលេខ៩៩ សម្រាប់រៀបចំធ្វើម្អូបអាហារ និងភេសជ្ជៈ ចែកជូនដល់បងប្អូនវីរកងទ័ពដែលកំពុងឈរជើងជួរមុខជាលើកទី៥។

សូមបញ្ជាក់ថា លោកស្រី ចាយ ច័ន្ទរ៉ានី ជាភរិយា លោកឧត្តមសេនីយ៍ទោ ហ៊ុល សំអុន មេបញ្ជាការកងពលតូចដឹកជញ្ជូនលេខ៩៩ រួមជាមួយយោធិននារី ក្នុងកងពលតែងតែធ្វើបាយម្ហូបអារហារ និងសម្ភារជាច្រើនទៀតជូនដល់នាយទាហាន នាយទាហានរង ពលទាហាននៅតាមជួរមុខ ដើម្បីផ្សាភ្ជាប់ជាមួយអង្គភាព ដែលឈរជើងជួរមុខ និងអង្គភាពដឹកជញ្ជូនរបស់កងយោធពលខេមរភូមិន្ទ និងជួយជាកម្លាំងចិត្តលើកទឹកចិត្ត និងស្មារតីដល់សមរភូមិមុខ៕