(ព្រះវិហារ)៖ លោក គីម រិទ្ធី អភិបាលខេត្ត និងជាប្រធានគណៈបញ្ជាការឯកភាពខេត្តព្រះវិហារ បានសម្រេចឲ្យដាក់ប៉ុស្ដិ៍ត្រួតពិនិត្យនៅគោលដៅសំខាន់ៗ ដើម្បីពង្រឹងសុវត្ថិភាពក្នុងភូមិសាស្ដ្រស្រុកជាំក្សាន្ដ។

បើតាមការបញ្ជាក់របស់លោក គីម រិទ្ធី នៅថ្ងៃទី២ ខែសីហា ឆ្នាំ២០២៥នេះ, ដើម្បីពង្រឹងសុវត្តិភាពនៅស្រុកជាំក្សាន្ត រដ្ឋបាលខេត្តបានដាក់បុស្តិ៍ត្រួតពិនិត្យ នៅចំណុចតាកឹង (ទិសមកពីក្រុងព្រះវិហារ) ចំណុចកន្ទួត (ទិសមកពីស្រុកត្រពាំងប្រាសាទ) និងចំណុចភូមិខាំកឺត (ទិសមកពីកំពង់ស្រឡៅ)។

លោក គីម រិទ្ធី បានអះអាងទៀតថា ចំពោះអំណោយជូនកងទ័ពនិងនគរបាល សូមទាក់ទងអង្គភាពផ្ទាល់ មកយកសឹករងខេត្ត និងស្នងការដ្ឋានខេត្ត។ ចំពោះអំណោយជូនប្រជាជនភៀសសឹក សូមយកមកមណ្ឌលសុវត្ថិភាពនីមួយៗដោយផ្ទាល់។

ក្នុងន័នេះ លោកអភិបាលខេត្ត បានអំពាវនាវដល់ប្រជាពលរដ្ឋសូមចូលរួមសហការឲ្យបានល្អប្រសើរ ដើម្បីរក្សាសុវត្ថិភាពខ្ពស់បំផុត៕