(ភ្នំពេញ)៖ តាមរយៈការបង្ហោះលើបណ្ដាញសង្គម នៅថ្ងៃទី០២ ខែសីហា ឆ្នាំ២០២៥នេះ សម្ដេចបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា បានលើកឡើងថា ពេលខ្លះមនុស្សយើង មិនសូវចាប់អារម្មណ៍ ពីតម្លៃនៃពាក្យ «សន្តិភាព»។ ប៉ុន្តែគេនឹងយល់ច្បាស់បំផុត នូវតម្លៃពិតប្រាកដនៃពាក្យ «សន្តិភាព» នៅពេលដែលអវត្តមានរបស់វា។

សម្ដេចបវរធិបតី ហ៊ុន ម៉ាណែត ក៏បានអំពាវនាវដល់បងប្អូនប្រជាពលរដ្ឋខ្មែរយើងទាំងអស់ ត្រូវរួមគ្នាការពារ សន្តិភាព កុំឱ្យបាត់បង់ឱ្យសោះ ទោះក្នុងតម្លៃណាក៏ដោយ៕