(ត្បូងឃ្មុំ)៖ ក្រុមការងារគណបក្សចុះមូលដ្ឋានស្រុកអូររាំងឪ ដឹកនាំដោយលោកស្រី ងិន លីណា អនុប្រធានក្រុមការងារស្រុកអូររាំងឪ និងជាប្រធានគណៈអចិន្ត្រៃយ៍ក្រុមការងារចុះមូលដ្ឋានឃុំគងជ័យ តំណាងលោកបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តត្បូងឃ្មុំ នាថ្ងៃទី០១ ខែសីហា ឆ្នាំ២០២៥ បានាំយកស្បៀងអាហារ គ្រឿងឧបភោគបរិភោគ និងសម្ភារប្រើប្រាស់ចាំបាច់សម្រាប់យកទៅសួរសុខទុក្ខដល់វីរៈកងទ័ពកំពុងឈរជើងការពារព្រំដែនកម្ពុជា-ថៃ និងប្រជាពលរដ្ឋភៀសសឹកជាង ១៥,០០០នាក់ នៅស្រុកបន្ទាយអំពិល ខេត្តឧត្តមមានជ័យ។

ពិធីនេះមានការចូលរួមពីសំណាក់លោក ភាវ សុវុទ្ធី, លោក ឈរ រតនៈ លោកស្រី ឃឹម ភុនកេសរ និងក្រុមការងារ លោកស្រី ហ៊ូ កល្យាណ និងក្រុមការងារ លោកនី សុភី ប្រធានមន្ទីរបរិស្ថានខេត្តត្បូងឃ្មុំ និងក្រុមការងារ លោក ភួង លីណា ប្រធានមន្ទីរបរិស្ថាន ខេត្តបន្ទាយមានជ័យ និងក្រុមការងារ លោកស្រី ឃ្លោក វិចិត្ររដ្ឋា និងក្រុមការងារ លោក អ៊ូ ច័ន្ទធារិទ្ធ លោក ណុប សុខៃ កញ្ញ យឹម ស្រីពៅ លោកសំអឿន សុធារ័ត្ន និងក្រុមការងារឌីជីថល លោកស្រី លាវ ផាឡែន លោក សុខ ច័ន្ទវីរៈ លោក ញូង ម៉ានិត កញ្ញាធីម ឡាង កញ្ញាគង់ សុមេធានី ក្រុមការងារគងជ័យ ថែមទាំងមានការចូលរួមពីថ្នាក់ដឹកនាំស្រុកអូររាំងឪ ខេត្តត្បូងឃ្មុំ។

សម្រាប់កម្មវិធីនេះសម្របសម្រួលរៀបចំកម្មវិធីនាំយកអំណាយពីខេត្តត្បូងឃ្មុំ ដឹកនាំដោយលោក ណុប ឡុងឌី អភិបាលរងខេត្តត្បូងឃ្មុំ មានស្រុកអូររាំងឳដឹកនាំដោយលោកជា ណារ៉ុន ស្រុកក្រូចឆ្មារ ស្រុកដំបែរ នៃខេត្តត្បូងឃ្មុំ មានជាស្បៀងអាហារ គ្រឿងឧបភោគបរិភោគ និងសម្ភារប្រើប្រាស់ចាំបាច់សម្រាប់យកទៅសួរសុខទុក្ខដល់វីរៈកងទ័ពកំពុងឈរជើងការពារព្រំដែនកម្ពុជា-ថៃ នៅស្រុកបន្ទាយអំពិល ខេត្តឧត្តមមានជ័យ ដោយមានការចូលរួមផ្តល់និងទទួលដោយឧត្តមសេនីយ៍ឯក ប៊ុន ប៉ាម៉ារីលុច អគ្គស្នងការរងនគរបាលជាតិ និងអភិបាលរងខេត្តឧត្តរមានជ័យ ប្រចាំការជម្រុំជនភៀសិកនៅស្រុកបន្ទាយអំពិល ខេត្តឧត្តរមានជ័យ

និងបានបន្តសម្របសម្រួលរៀបចំកម្មវិធីនាំយកអំណាយជាស្បៀងអាហារ គ្រឿងឧបភោគបរិភោគ និងសម្ភារប្រើប្រាស់ចាំបាច់ សម្រាប់យកជូនជនភៀសសឹកចំនួនជិត ៤០០០គ្រួសារ ជាង ១៥,០០០នាក់ នៅស្រុកបន្ទាយអំពិល ខេត្តឧត្តមមានជ័យ។

សម្រាប់អំណោយដែលបានចែកជូនទាំងនោះរួមមានស្បៀងអាហារ គ្រឿងឧបភោគបរិភោគ និងសម្ភារប្រើប្រាស់ចាំបាច់សរុបចំនួន៣រថយន្ត (រថយន្តយីឌុបភ្លៅប្រាំ ២គ្រឿង និងរថយន្តដឹកទំនិញ១គ្រឿង) និងថវិកាមួយចំនួន។

ជាមួយគ្នានេះដែរ លោកស្រី ងិន លីណា បានចុះសួរសុខទុក្ឋជនភៀសសិក ដោយបានចែកនំចំណីដល់កុមារដែលជាកូនចៅរបស់ជនភៀសសិក និងជាពិសេសបានសួរសុខទុក្ខគ្រួសារជនភៀសឹកដែលទើបសម្រាលកូនបាន១៤ថ្ងៃ ដោយនាំយកអំណោយ និងថវិកាមួយចំនួនចែកជូនផងដែរ៕