(កោះកុង)៖ លោក វ៉ី សំណាង អភិបាលខេត្តតាកែវ នៅថ្ងៃទី២ ខែសីហា ឆ្នាំ២០២៥ បានដឹកនាំគណៈប្រតិភូរដ្ឋបាលខេត្តតាកែវ អញ្ជើញសួរសុខទុក្ខ និងនាំយកអំណោយប្រគល់ជូន កងទ័ពនៅបញ្ជាការសមរភូមិទិសយោធភូមិទី៣ ស្ថិតនៅខេត្តកោះកុង។

អញ្ជើញទទួលគណៈប្រតិភូដោយលោកស្រី មិថុនា ភូថង អភិបាលខេត្តកោះកុង និងលោកឧត្តមសេនីយ៍ទោ មេបញ្ជាការយោធភូមិទី៣ និងវត្តមានថ្នាក់ដឹកនាំជាច្រើនរូបផងដែរ។

អំណោយសម្ភារ ថវិកា និងគ្រឿងឧបភោគ ដែលបានលោក វ៉ី សំណាង អភិបាលខេត្ត និងគណៈប្រតិភូនាំយកមកនាពេលនេះរួមមាន៖ ស៊ីម៉ង់ ១០០តោន, ដែក ៣ តោន, ពងទា ៣,០០០គ្រាប់, ត្រីងៀត ៣០០គីឡូ, នំអាហារក្រៀម ៥ កេស, ក្រូចក្រហម ១០០គីឡូ, ប៉ិគួក ១០០គីឡូ, ដំឡូងជ្វា ១០០គីឡូ, ស្រកានាគ ២០០គីឡូ, អង្ករ ពីរតោន និងថវិកា ៤០.០០០.០០០ លានរៀល៕