(ភ្នំពេញ)៖ លោកសាស្រ្តាចារ្យ រ៉ូហ្សាលី សឡេះ ជាអ្នកអប់រំអំពីឥស្លាមនៅកម្ពុជា និងជាហាកឹម នៅម៉ាស្ជិត (វិហារឥស្លាម) នូរ៉ុលអៀសសាន គីឡូម៉ែត្រលេខ៧ នៅរសៀលសុក្រ ទី១ ខែសីហា ឆ្នាំ២០២៥ បានថ្លែងសន្ទរកថា ក្នុងឱកាសជួបជុំសាសនិកឥស្លាម ឬថ្ងៃសីល ស្តីអំពីការសាមគ្គី គឺការចាំបាច់មាននៅគ្រប់កាលៈទេសៈ ហើយចាំចាច់បំផុតនៅពេលប្រទេសជាតិមានសង្រ្គាម ។

លោកសាស្រ្តាចារ្យ បានលើកឡើងអំពីតម្លៃសុខសន្តិភាព ដែលយើងគ្រប់រូបត្រូវចេះថ្លែងអំណរគុណ និងរួបរួមថែរក្សា។ ទោះរាល់ជំនួយតិចតួច ឬក៏ច្រើនក្ដី នៅពេលដែលយើងជួបវិបត្តិ វាជាការចាំបាច់ណាស់ ដែលយើងត្រូវរួមគ្នា សាមគ្គីគ្នា ជួយគ្នាទៅវិញទៅមក ព្រោះពេល ជួបអាសន្នគឺយើងត្រូវចេះជួយគ្នា ហើយពេលយើងជួបសេចក្តីសុខ ក៏យើងបានសេចក្តីសុខទាំងអស់គ្នា៕