(កំពង់ធំ)៖ លោក សាយ គឹមឡម អភិបាលស្រុកស្ទោង ខេត្តកំពង់ធំ បានលើកទឹកចិត្តពលករខ្មែរ ដែលត្រឡប់មកពីប្រទេសថៃ ត្រូវធ្វើការងារនៅក្នុងស្រុកជាជាងក្រៅស្រុក ដើម្បីនិរន្តរភាពការងារប្រាក់ចំណូល និងអត្ថប្រយោជន៍បន្ថែមជាច្រើនទៀត។

ការលើកឡើងដូច្នេះរបស់លោកអភិបាលស្រុក បានធ្វើឡើងនៅក្នុងឱកាសដែលលោកព្រមទាំងការិយាល័យមេធាវីណារ៉ា បានអញ្ជើញជាអធិបតីភាពក្នុងពិធីសំណេះសំណាល សួរសុខទុក្ខនិងចែកអំណោយជូនដល់បងប្អូនពលករ និងជនភៀសសឹក ដែលបានទើបធ្វើមាតុភូមិនិវត្តន៍ពីប្រទេសថៃ និងសង្គ្រាមឈ្លានពានរបស់សៀម ពីព្រំដែនខ្មែរថៃ នៅក្នុងឃុំបន្ទាយស្ទោង ឃុំរុងរឿង និងឃុំព្រះដំរីពីរ នៅរសៀលថ្ងៃទី២ ខែសីហា ឆ្នាំ២០២៥។

លោកអភិបាលស្រុកស្ទោង បានថ្លែងអំណរគុណយ៉ាងជ្រាលជ្រៅបំផុតដល់ការិយាល័យមេធាវីណារ៉ា ខេត្តកំពង់ធំ និងសហការីដែលបានសហការឧបត្ថម្ភគាំទ្រនូវគ្រឿងឧបភោគបរិភោគនិ ងថវិកាសម្រាប់ចែកជូនដល់បងប្អូនប្រជាពលករ និងជនភៀសសឹកនៅក្នុងឱកាសនេះ ដែលជាកាយវិការគួរឱ្យស្ញើចសរសើរបំផុតក្នុងការរួបរួមសហការជាមួយអាជ្ញាធរស្រុកស្ទោង និងលើកកម្ពស់ស្មារតីជាតិនិយមកាន់តែពុះកញ្ជ្រោលឡើងថែមទៀតដើ ម្បីទប់ទល់នឹងការឈ្លានពានរបស់ចោរសៀម៕