(កាណាដា)៖ កាលពីថ្ងៃទី១ ខែសីហា ឆ្នាំ២០២៥ បងប្អូនប្រជាពលរដ្ឋខ្មែរ ប្រមាណជាង១,០០០នាក់ ដែលរស់នៅក្នុងរដ្ឋ Ottawa Montreal និងរដ្ឋToronto ប្រទេសកាណាដា បានធ្វើដំណើរមកជួបជុំគ្នានៅមុខរដ្ឋសភាក្រុង Ottawa ប្រទេកាណាដា ដើម្បីលើកបដាប្រឆាំងតវ៉ា ចំពោះការឈ្លានពានដ៏គឃ្លើនរបស់ថៃ មកលើបូរណភាព និងអធិបតេយ្យភាពរបស់កម្ពុជា និងស្នើសុំឱ្យថៃ គោរពតាមបទឈប់បាញ់ជាបន្ទាន់។

សូមជម្រាបថា កិច្ចព្រមព្រៀងសន្តិភាព ឬបទឈប់បាញ់ងបន្ទាន់មួយរវាងកម្ពុជា និងថៃ ត្រូវបានធ្វើឡើងនៅម៉ោង០០នាទីឈានចូលថ្ងៃទី២៩ ខែកក្កដា ឆ្នាំ២០២៥ បន្ទាប់ពីនាយករដ្ឋមន្រ្តីនៃកម្ពុជា សម្ដេចធិបតី ហ៊ុន ម៉ាណែត និងនាយករដ្ឋមន្រ្តីស្ដីទីថៃ លោក Phumtham Wechayachai បានឯកភាពគ្នា ទៅជួបប្រជុំស្វែងរកសន្តិភាពតាមការអំនាវពីប្រធានាធិបតីអាមេរិក លោក ដូណាល់ ត្រាំ នៅប្រទេសម៉ាឡេស៊ី ដែលមានពីលោក Anwar Ibrahim នាយករដ្ឋមន្រ្តីនៃប្រទេសម៉ាឡេស៊ី និងជាប្រធានប្ដូរវេនអាស៊ានសម្រាប់ឆ្នាំ២០២៥នេះជាសម្របសម្រួល និងមានការចូលរួមឃ្លាំមើលយ៉ាងសកម្មពីសំណាក់តំណាងសហរដ្ឋអាមេរិក និងតំណាងចិន ក្នុងកិច្ចប្រជុំនេះ៕