(ភ្នំពេញ)៖ អ្នកជំនាញផ្នែកសន្តិសុខបច្ចេកវិទ្យា ក្នុងវិស័យធនាគារ អំពាវនាវអ្នកប្រើប្រាស់សូមប្រយ័ត្នចំពោះសារ ឬ Link ដែលផ្ញើមកតាមទូរស័ព្ទ ដោយលោកលើកឡើងថា ជាទូទៅធនាគារមិនដែលផ្ញើសារទាក់ទងអតិថិជនទេ ជាពិសេសហាមដាច់ខាតផ្តល់ព័ត៌មានផ្ទាល់ខ្លួនទៅឱ្យគេ។

ការអំពាវនាវបែបនេះ ធ្វើឡើងក្នុង​ឱកាសដែលលោក លឹម សុខសុផៃ នាយកស្ដីទីផ្នែកបច្ចេកទេសធនាគាររីង អញ្ជើញចូលរួមជជែកពីសន្តិសុខសាយប័រ លើប្រធានបទ៖ «ឥទ្ធិពល​នៃការគំរាមកំហែង​តាម​អ៉ីនធើណិត លើ​ការ​ប្រើប្រាស់សេវាកម្ម​​គ្រឹះស្ថាន​ហិរញ្ញវត្ថុ» ក្នុងកម្មវិធី CYBER SECURITY។

លោក លឹម សុខសុផៃ បានបញ្ជាក់យ៉ាងដូច្នេះថា «ក្នុងនាមអតិថិជន ដែលប្រើប្រាស់ក្នុងវិស័យធនាគារ សូមមានការប្រុងប្រយ័ត្ន លើការចុះ Link ឬក៏សារអ្វីមួយ ដែលគេផ្ញើមក ត្រូវពិនិត្យមើលឲ្យបានច្បាស់លាស់ ថាមកពីប្រភពណា»។

បន្ថែមពីនោះទៀត លោក លឹម សុខសុផៃ បានបញ្ជាក់ថា ជាទូទៅវិស័យធនាគារ អត់ដែលសូវ ឬក៏សឹងនឹងគ្មានតែម្ដង ដែលផ្ញើ Link ទៅកាន់អតិថិជន៕

ខាងក្រោមនេះ ជាវីដេអូនៃការលើកឡើងទាំងស្រុង របស់លោក លឹម សុខសុផៃ៖