(តាកែវ)៖ លោក ឈឹម ធី អភិបាលរងស្រុកអង្គរបូរី និងជាអនុប្រធានក្រុមការងាររាជរដ្ឋាភិបាលចុះមូលដ្ឋានឃុំគោកធ្លក ស្រុកអង្គរបូរី ខេត្តតាកែវ ដោយមានការចូលរួមពីលោក លោកស្រីក្រុមការងារ លោកមេឃុំ សមាជិកក្រុមប្រឹក្សាឃុំគោកធ្លក មេភូមិ នាថ្ងៃទី២២ ខែសីហា ឆ្នាំ២០២៥ បានអញ្ជើញចុះសំណេះសំណាល សួរសុខទុក្ខអ៊ំស្រី សេង ឡោ អាយុ៦៩ឆ្នាំ ត្រូវជាភរិយាលោក ហោ ហយ អតីតមេភូមិព្រែកដា ស្ថិតនៅភូមិព្រែកដា ឃុំគោកធ្លក ស្រុកអង្គរបូរី ខេត្តតាកែវ។

ក្នុងឱកាសចុះសាកសួរសុខទុក្ខនេះដែរ លោក ឈឹម ធី ក៏បានពាំនាំយកនូវការផ្តាំផ្ញើសាកសួរសុខទុក្ខរបស់ថ្នាក់ដឹកនាំខេត្ត ថ្នាក់ដឹកនាំស្រុកផងដែរ។

មន្ត្រីមូលដ្ឋាន តែងតែយកចិត្តទុកដាក់ខ្ពស់ និងគិតគូរជានិច្ច ទៅដល់មន្ត្រីក្រោមឱវាទ និងប្រជាជន ទោះបីស្ថិតក្នុងស្ថានភាព បែបណាក៏ដោយ គឺតែងតែបានផ្តល់នូវភាពកក់ក្តៅដល់បងប្អូនជានិច្ច ក្នុងគ្រាដែលជួបការលំបាកនានា ពិសេសផ្នែកជីវភាពរស់នៅប្រចាំថ្ងៃ។

ក្នុងនោះដែរ លោកបាននាំយកនូវគ្រឿងឧបភោគបរិភោគ និងថវិកាចំនួន ២០៥ ០០០រៀលផ្ដល់ជូនផងដែរ៕