(ឧត្តរមានជ័យ)៖ នៅថ្ងៃទី២៣ ខែសីហា ឆ្នាំ២០២៥កន្លងទៅនេះ ដោយទទួលបានការ អនុញាតពីលោក ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិ​សម្ប​ទា លោក ចាប តូ អនុរដ្ឋលេខាធិការ ក្រសួងសង្គមកិច្ច អតីតយុទ្ធជន និងយុវនីតិសម្បទា បានដឹកនាំក្រុមការងារជនមានពិការភាព សិល្បករ សិល្បការិនី និងសប្បុរសជន ចុះសួរសុខទុក្ខវីរកងទ័ពឈរជើងនៅតំបន់ច្រកជប់គគីរ ច្រកប្រាសាទតាមន្ត និងច្រកប្រាសាទតាក្របី ស្ថិតក្នុងខេត្តឧត្តរមានជ័យ។

អនុរដ្ឋលេខាធិការដែលជាជនមានពិការភាពរូបនេះ បានពាំនាំនូវប្រសាសន៍ផ្តាំផ្ញើ​សាក​សួរ​សុខទុក្ខដោយក្តីនឹករឮកពីសម្តេចតេជោ ហ៊ុន សែន ប្រធានព្រឹទ្ធសភា សម្តេចកិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោកជំទាវបណ្ឌិត លោក ជា សុមេធី និងលោកស្រី ជា ផល្គុន និងសប្បុរសជន។

លោក ចាប តូ បានសម្ដែងការដឹងគុណ និងអរគុណយ៉ាងជ្រាលជ្រៅជាទីបំផុត​ជូន​ចំពោះវីរកងទ័ពជួរមុខកម្ពុជា ដែលមានភាពអង់អាចក្លាហាន និងការលះបង់សាច់​ស្រស់​ឈាមស្រស់ ការពារបូរណភាពទឹកដីជាតិខ្មែរ។

លោក ចាប តូ ក៏បានគោរពថ្លែងអំណរគុណលោកស្រី ម៉ៅម៉ាល័យ កែគឹមយ៉ាន ដែលបានផ្តល់ជូនកន្លែងសម្រាក និងអាហារដ៏ឆ្ងាញ់ពិសាដល់ក្រុមការងារ ដែលបានចូលរួមអមដំណើរក្នុងឱកាសនោះផងដែរ៕