(ព្រះសីហនុ)៖ ពលករខ្មែរដែលត្រឡប់មកពីប្រទេសថៃទទួលបានឱកាសការងារធ្វើចំនួន១១នាក់បន្ថែមទៀត នៅខេត្តព្រះសីហនុ ក្រោមការ
សម្របសម្រួលរបស់រដ្ឋបាលខេត្តព្រះសីហនុ តាមរយៈមន្ទីរការងារ និងបណ្តុះបណ្តាលវិជ្ជាជីវៈខេត្ត បានការងារធ្វើដើម្បីរកប្រាក់ចំណូលផ្គត់ផ្គង់គ្រួសារ ស្របពេលដែលត្រឡប់មកពីប្រទេសថៃដោយជម្លោះព្រំដែនរវាងកម្ពុជា-ថៃ។

នេះបើយោងតាមគណនីហ្វេកប៊ុកផេករបស់អភិបាលខេត្តព្រះសីហនុ នៅព្រឹកថ្ងៃទី២៤ ខែសីហា ឆ្នាំ២០២៥នេះ ដោយភ្ជាប់ខ្លឹមសារមកថា
ពលករខ្មែរទាំង១១នាក់ បានសម្របសម្រួលតាមរយៈរដ្ឋបាលខេត្ត និងមន្ទីរការងារ ឱ្យចូលធ្វើការនៅតំបន់សេដ្ឋកិច្ចពិសេសក្រុង និងសណ្ឋាគារ ណានហៃក្នុងក្រុងព្រះសីហនុ។

ក្នុងឱកាសនោះ រដ្ឋបាលខេត្តព្រះសីហនុ បានអំពាវនាវដល់បងប្អូនប្រជាពលរដ្ឋទាំងអស់ ជាពិសេសបងប្អូនពលករខ្មែរដែលត្រឡប់ពីប្រទេសថៃ ហើយចង់រកការងារធ្វើនៅខេត្តព្រះសីហនុ សូមទំនាក់ទំនងមកលេខទូរសព្ទ៖

*១- លោក ព្រហ្ម ច័ន្ទវិចិត្រ 069 66 99 69
*២- លោក ផន វុត្ថា 093 696 668
*៣- លោក ម៉ាត់ រុំលី 010 234 266 (តំបន់សេដ្ឋកិច្ចពិសេស ចេ ជាំង)
*៤- លោក ស៊ុន វ៉ានដា 096 483 3263 (តំបន់សេដ្ឋកិច្ចពិសេសក្រុងព្រះសីហនុ- បិតត្រាំង)៕