(ភ្នំពេញ)៖ នាព្រឹកថ្ងៃទី២៥ ខែសីហា ឆ្នាំ២០២៥នេះ តំណាងក្រុមហ៊ុន វិរៈ ប៊ុនថាំ បាននាំយកអំណោយថវិកាចំនួន២០លានរៀល ប្រគល់ជូនស្នងការដ្ឋាននគរបាលរាជធានីភ្នំពេញ ដើម្បីចាត់ចែងបន្តចូលរួមឧបត្ថម្ភគាំទ្រដល់វីរកងទ័ពនៅជួរមុខ កំពុងបំពេញភារកិច្ចដ៏ឧត្តុង្គឧត្តមការពារបូរណភាពទឹកដី។

លោកឧត្តមសេនីយ៍ឯក ជួន ណារិន្ទ បានថ្លែងកោតសរសើរខ្ពស់ ចំពោះទឹកចិត្តចូលរួមចំណែករបស់ក្រុមហ៊ុន វិរៈ ប៊ុនថាំ តាមរយៈលោក លឹម ហួរ និងលោក ហួន គីមខៃ តំណាងអ្នកឧកញ៉ា សួរ វីរៈ អគ្គនាយកក្រុមហ៊ុន វិរៈ ប៊ុនថាំ ដោយចាត់ទុកថា កាយវិការ និងទឹកចិត្តដ៏សប្បុរសជាសកម្មភាពចូលរួមចំណែកយ៉ាងសំខាន់ ជាមួយរាជរដ្ឋាភិបាលកម្ពុជា និងបានបង្ហាញឲ្យឃើញថា ខ្មែរបានរួបរួមសាមគ្គីគ្នាយ៉ាងរឹងមាំ ក្នុងការការពារបូរណភាពទឹកដី និងប្រឆាំងដាច់ខាតចំពោះសត្រូវឈ្លានពានទឹកដី៕