(ភ្នំពេញ)៖ លោក ហែម វណ្ណឌី ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានអំពាវនាវដល់ ផលិតករ ឧស្សាហករ និងសិប្បករកម្ពុជាទាំងអស់ ចាប់យកស្តង់ដាគុណភាព និងសុវត្ថិភាពជាចម្បង ខណៈដែលពួកគេកំពុងខិតខំបង្កើនសមត្ថភាពផលិតដើម្បីផ្គត់ផ្គង់តម្រូវការទីផ្សារ។

លោកបានលើកឡើងថា បច្ចុប្បន្ននេះ កម្លាំងសាមគ្គីភាព និងការគាំទ្រផលិតផលលក្នុងស្រុក បានជំរុញឱ្យមានកំណើនខ្សែច្រវ៉ាក់ផលិតកម្ម ដើម្បីកែច្នៃបន្ថែម និងការបង្កើតនូវអាជីវកម្មថ្មី ដើម្បីជំរុញការផលិតផ្គត់ផ្គង់ក្នុងស្រុក។ ដូច្នេះហើយ លោកលើកទឹកចិត្តដល់ផលិតករ ឧស្សាហករ និងសិប្បករកម្ពុជា ចាប់យកស្តង់ដាគុណភាព និងសុវត្ថិភាពជាចម្បង ដើម្បីទំនិញធ្វើឱ្យទំនិញខ្មែរ ដែលបានផលិតអាចឈរជើងបានយូរ។

ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍បាន និងកំពុងរៀបចំសេវាកម្មគាំទ្រជាច្រើន ក្នុងគោលដៅជួយឱ្យផលិតផលក្នុងស្រុកឈរជើងបានយូរ ទទួលបាននូវការគាំទ្រពិតប្រាកដពីទីផ្សារ និងធ្វើយ៉ាងណាឱ្យសហគ្រាសទទួលបានជោគជ័យក្នុងរយៈពេលវែង។
សូមស្តាប់ការអំពាវនាវបន្ថែមរបស់ លោក ហែម វណ្ណឌី៖