(ព្រះវិហារ)៖ ក្រុមការងារសមាគមយុវជនអ្នកបន្តវេន -SYA បាននាំយកអំណោយរបស់សមាជិក សមាជិកា សប្បុរស និងបងស្រី ឡូញ សាវឿន មានបេះដូងខ្មែរជួយខ្មែរ ដល់គ្រួសារកងទ័ពជួរមុខមានដូចជា៖ អង្ករ ទឹក ត្រី ទឹកសុីអុីវ និងថវិកាមួយចំនួន ស្ថិតនៅឃុំមរកត និងឃុំជ័យសែន ស្រុកជាំក្សាន្ត ខេត្តព្រះវិហារ ជាការចូលរួមចំណែកជាមួយរាជរដ្ឋាភិបាលក្នុងការការពារទឹកដីខ្មែរ កុំឱ្យសៀមមកបំពាន និងឈឺឆ្អាលទុកលំបាកដល់គ្រួសារកងទ័ព។

ក្នុងឱកាសនេះផងដែរ ក៏មានតំណាងក្រុមគណបក្សប្រជាជនកម្ពុជា ស្រុកប្រាសាទសំបូរ ខេត្តកំពង់ធំ បានសហការគ្នាជាមួយក្រុមយុវជនអ្នកបន្តវេន ក្នុងបំផុសស្មារតីជាតិ យកចិត្តទុកដាក់ចំពោះការងារសង្គមជាតិនាមជាយុវជនខ្មែរ។

លោក រិន សុភក្ដិ តំណាងក្រុមការងារសមាគមយុវជនអ្នកបន្តវេន បានលេីកឡេីងក្នុងកម្មវិធី សូមឱ្យពលរដ្ឋជឿជាក់លេីព័ត៌មានរាជរដ្ឋាភិបាលផ្លូវការដូចជា៖ ផេកសម្ដេចតេជោ,សម្តេចធិបតី ហ៊ុន ម៉ាណែត, ក្រសួងការពារជាតិ, ក្រសួងព័ត៌មាន, Fresh News, រដ្ឋបាលខេត្ត, រដ្ឋបាលស្រុក ដែលអាចជឿជាក់បាន ហេីយយេីងត្រូវជឿជាក់លេីរាជរដ្ឋាភិបាលដឹកនាំដោយសម្ដេចមហាបវរ ធិបតី ហ៊ុន ម៉ាណែត នាយករដ្ឋមន្រ្តីនឹងបញ្ចប់វិវាទដោយសន្តិវិធី យន្តការច្បាប់អន្តរជាតិ ជូនជាតិ និងប្រជាជន ហេីយសូមកុំជឿលេីព័ត៌មានណាមួយគ្មានប្រភពច្បាស់លាស់។

លោក ធុន សារ៉ន តំណាងក្រុមការងារគណបក្សប្រជាជនកម្ពុជា ស្រុកប្រាសាទសំបូរ ខេត្តកំពង់ធំ បានលេីកឡេីងថា រាជរដ្ឋាភិបាលដឹកនាំដោយគណបក្សប្រជាជនកម្ពុជា មានសម្ដេចតេជោ ហ៊ុន សែន ជាប្រធានគណបក្ស មិនបោះបង់ពលរដ្ឋណាមួយឡេីយ ហេីយក៏មិនបោះទឹកដីទៅឱ្យនរណាមួយសូម្បីតែមួយជំហានឡេីយ យេីងត្រូវជឿជាក់លេីរាជដ្ឋាភិបាល ហេីយយុវជនត្រូវរួមសាមគ្គីគ្នាដេីម្បីជួយដល់ពលរដ្ឋ គ្រួសារកងទ័ព ដែលបង្ហាញពីស្នេហាជាតិពិតប្រាកដ កុំស្នេហាជាតិតែបបូរមាត់ ដូចក្រុមជ្រុលនិយមក្រៅប្រទេស។

លោក ឃន រដ្ឋា យុវជនអ្នកបន្តវេន បានលេីកឡេីងថា នាមជាយុវជនខ្មែរជំនាន់ក្រោយ បានមកដល់ទីកន្លែងនេះបានដោយមានការចូលរួមគ្នាពីគ្រប់មជ្ឈដ្ឋាន មានឆន្ទៈខ្មែរស្រលាញ់ខ្មែរ ព្រោះទីតាំងនេះជាតំបន់ដាច់ស្រយាល តំបន់ក្ដៅសមរភូមិ។ យេីងទាំងអស់គ្នាជាយុវជនគួរតែធ្វេីអ្វីដែលជួយដល់សង្គមជាតិពិតប្រាកដ តាមលទ្ធភាពដែលអាចធ្វេីបាន ហេីយខ្ញុំសប្បាយរីករាយជានិច្ចរាល់សកម្មភាពជាប្រយោជន៍ដល់សង្គមជាតិ។

លោក បុត សោភណ្ឌ អភិបាលរងស្រុកជាំក្សាន្ត ខេត្តព្រះវិហារ សូមថ្លែងអំណរគុណដល់សមាគមយុវជនយុវជនអ្នកបន្តវេន តំណាងគណបក្សស្រុកប្រាសាទសំបូរ ខេត្តកំពង់ធំ, លោកស្រី ឡូញ សាវឿន ដែលបាននាំយកអំណោយដល់គ្រួសារកងទ័ព បានដោះស្រាយជីវភាពបានមួយគ្រា រដ្ឋបាលស្រុក រដ្ឋបាលឃុំ នៅជាមួយប្រជាពលរដ្ឋគ្រប់កាលៈទេសៈ គិតគូរសុខសុវត្ថិភាពជូនគ្រប់ពេលវេលា និងសូមជឿជាក់ដល់ប្រមុខរដ្ឋាភិបាលជឿជាក់ សម្ដេចធិបតី នាយករដ្ឋមន្រ្តី ក្នុងការដោះស្រាយបញ្ហាព្រំដែន។

ក្រុមការងារបានបន្តទៅជូន Power Bang ៥០,០០០អំពែ ចំនួន ៥គ្រឿង មី ត្រីខ ថវិកាដល់វីរកងទ័ពនៅច្រនអានសេះដែលកំពុងការពារទឹកដីយ៉ាងអង់អាច។ សូមអរគុណដល់ក្រុមការងាររដ្ឋបាលឃុំ រដ្ឋបាលស្រុកជាំក្សាន្ត បានសហការ និងជួយសម្របសម្រួលក្នុងកម្មវិធីប្រកបដោយសាមគ្គីភាព និងស្មារតីជាតិ៕