(បាត់ដំបង)៖ នៅព្រឹកថ្ងៃអង្គារទី២៦ ខែសីហា ឆ្នាំ២០២៥ លោក សុងសុភ័ក្រ្ត អភិបាលស្រុក និងជាប្រធានគណៈកម្មាធិការអនុសាខាកាកបាទក្រហមកម្ពុជា ស្រុកភ្នំព្រឹក បាននាំយកអំណោយមនុស្សធម៌ របស់សប្បុរសជនផ្ដល់ជូនបងប្អូនពលករមកពីប្រទេសថៃចំនួន៣គ្រូសារ ដែលមានជីវភាពខ្វះខាតរស់នៅ ភូមិអូរថ្មីឃុំពេជ្រចិន្ដា ស្រុកភ្នំព្រឹក ខេត្តបាត់ដំបង។

មានមតិសំណេះសំណាលនាឱកាសនោះ លោក សុង សុភ័ក្រ្ត បានពាំនាំនូវប្រសាសន៍ផ្តាំផ្ញើដោយក្តីនឹករលឹកពីសំណាក់លោក សុខ លូ អភិបាលខេត្ត និងជាប្រធានគណៈកម្មាធិការសាខាខេត្ត ជាពិសេស សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលផ្ដាំផ្ញើសួរសុខទុក្ខ ក្តីនឹករលឹក អាណិតស្រឡាញ់ យ៉ាងជ្រាលជ្រៅ និងគិតគូរជានិច្ច ចំពោះសុខទុក្ខរបស់បងប្អូនប្រជាពលរដ្ឋដែលជួបការលំបាកដោយមិនប្រកាន់ពីនិន្នាការណាមួយឡើយ។

ជាមួយគ្នានេះ ក្នុងនាមក្នុងនាមលោក សុខ លូ បានផ្តាំផ្ញើដល់បងប្អូនប្រជាពលរដ្ឋទាំងអស់សូមយកចិត្តទុកដាក់ថែទាំសុខភាព រក្សាអនាម័យ ឱ្យបានល្អ ជាពិសេសត្រូវបរិភោគឱ្យបានត្រឹមត្រូវ ផឹកស្អាត ហូបស្អាត រស់នៅស្អាត និងចូលរួមថែរក្សាបរិស្ថាន និងជីវៈចម្រុះនៅទីនេះឱ្យបានគង់វង្ស។ ត្រូវចេះស្រឡាញ់គ្នា សាមគ្គីគ្នា និងជួយយកអាសារគ្នាទៅវិញទៅមកក្នុងនាមខ្មែរតែមួយ និងសូមប្រុងប្រយ័ត្នក្មេងលង់ទឹក សត្វ អាសិរពិស ផ្សេងៗ និងត្រៀមបង្ការពីផលប៉ះពាល់ដែលបណ្តាលមកពីការប្រែប្រួលអាកាសធាតុ។

ឆ្លើយតបគ្រួសារងាយគ្រោះទាំងអស់បានថ្លែងអំណរ គុណយ៉ាងជ្រាលជ្រៅចំពោះលោក សុខ លូ ជាពិសេសកាកបាទក្រហមកម្ពុជា ក្រោមការដឹកនាំរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលជាមាតាមនុស្សធម៌ តែងតែយកចិត្តទុកដាក់គិតគូរពីសុខទុក្ខរបស់ប្រជាពល រដ្ឋនៅពេលជួបគ្រោះថ្នាក់ផ្សេងៗដោយគ្មានការរើសអើងអ្វីឡើយ។

សម្ភារៈអនុសាខាផ្ដល់ជូនដល់ក្នុងមួយនាក់ទទួលបាន៖ អង្ករ ២៥គីឡូក្រាម, មីជាតិ១កេស ទឹកត្រី១យួរ ទឹកស៊ីអ៉ីវ១យួរ ទឹកក្រូច១កេស និងទឹកបរិសុទ្ធ ៥យួរផងដែរ៕