(កំពត)៖ នៅព្រឹកថ្ងៃទី២៧ ខែសីហា ឆ្នាំ២០២៥ លោក ម៉ៅ ច័ន្ទតារា រដ្ឋលេខាធិការប្រចាំការ ក្រសួងមហាផ្ទៃ បានអញ្ជើញជាអធិបតីប្រកាសតែងតាំង លោក កើត ឆែ ជាអភិបាលរងខេត្តកំពត ដែលពិធីនេះ ធ្វើឡើងនៅសាលសន្និសីទបូកគោ សាលាខេត្តកំពត។

ពិធីនេះដែរ ក៏មានអញ្ជើញចូលរួមពីលោក ម៉ៅ ធនិន អភិបាលខេត្តកំពត និងអ្នកពាក់ព័ន្ធជាច្រើនរូបទៀត។

យោងអនុក្រឹត្យរបស់រាជរដ្ឋាភិបាលកម្ពុជា ចុះថ្ងៃទី២២ ខែកក្កដា ឆ្នាំ២០២៥ បានតែងតាំងលោក កើត ឆែ ជាអភិបាលរងខេត្តកំពត៕