(បាត់ដំបង)៖ ក្រុមហ៊ុន អ៉ី អេហ្វ ជី (Express Food Group Co.,Ltd.) នៅព្រឹកថ្ងៃទី២៧ ខែសីហា ឆ្នាំ២០២៥នេះ នាំយកអំណោយជាគ្រឿងឧបភោគ បរិភោគ និងសម្ភារៈប្រើប្រាស់មួយចំនួន ប្រគល់ជូនដល់សាខាកាកបាទក្រហមកម្ពុជាខេត្តបាត់ដំបង ក្នុងឱកាសខួបលើកទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៥ និងខួបលើកទី៧០ឆ្នាំ នៃកាកបាទក្រហមកម្ពុជា ក្រោមមូលបទ «រួមគ្នាស្ម័គ្រចិត្ត ដើម្បីសហគមន៍មានសុខភាពល្អ និងមានភាពធន់នឹងអាកាសធាតុ» ទុកសម្រាប់ចែកជូនពលរដ្ឋងាយរងគ្រោះ។

លោក ផេង សិទ្ធី អនុប្រធានអចិន្រ្តៃយ៍គណៈកម្មាធិការសាខាខេត្ត ក្នុងនាម លោក សុខ លូ អភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តបាត់ដំបង បានថ្លែងអំណរគុណយ៉ាងជ្រាលជ្រៅបំផុតចំពោះក្រុមហ៊ុនក្រុមហ៊ុន អ៉ី អេហ្វ ជី ដែលបានឧបត្ថម្ភ អង្កចំនួន ២០ការ៉ុង (៥០០គីឡូក្រាម) ទឹកស៊ីអ៉ីវចំនួន ២០យួរ, មីខ្លាឃ្មុំចំនួន ២០កេស និងសំពត់តងទំហំ (4mx5m) ចំនួន ២០តង់ ជូនដល់សាខាកាកបាទក្រហមកម្ពុជាខេត្តបាត់ដំបងក្នុងឱកាសខួបលើកទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៥ និងខួបលើកទី៧០ឆ្នាំ នៃកាកបាទក្រហមកម្ពុជា ក្រោមមូលបទ «រួមគ្នាស្ម័គ្រចិត្ត ដើម្បីសហគមន៍មានសុខភាពល្អ និងមានភាពធន់នឹងអាកាសធាតុ»។

សាខាកាកបាទក្រហមកម្ពុជាខេត្តបាត់ដំបង សូមអំពាវនាវចំពោះ សម្តេច លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី អ្នកនាងកញ្ញា សប្បុរសជន មកពីគ្រប់មជ្ឈដ្ឋានទាំងក្នុងវិស័យរដ្ឋ និងវិស័យឯកជន ចូលរួមបរិច្ចាគថវិកា សម្ភារ ជូនសាខាកាកបាទក្រហមកម្ពុជាខេត្តបាត់ដំបថដោយសទ្ធាជ្រះថ្លា និងតាមការស្ម័គ្រចិត្ត។ ការចូលរួមឧបត្ថម្ភគាំទ្រការងារមនុស្សធម៌ តាមរយៈសាខាកាកបាទក្រហមកម្ពុជាខេត្ត គឺពិតជាមានគុណតម្លៃណាស់ក្នុងការលើកកម្ពស់ស្មារតីវប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជនជាមួយអ្នកទទួលផល។

សាខាកាកបាទក្រហមកម្ពុជា ខេត្តនឹងរង់ចាំទទួលអំណាយមនុស្សធម៌របស់ សម្ដេច អ្នកឧកញ៉ា ឧកញ៉ា លោក លោកស្រី អ្នកនាងកញ្ញា សប្បុរសជនទាំងអស់ នៅទីស្នាក់ការសាខា កាកបាទក្រហមកម្ពុជា ខេត្តបាត់ដំបង រៀងរាល់ម៉ោងធ្វើការ ឬវេរចូលគណនីធនាគារ របស់សាខាកាកបាទក្រហមកម្ពុជា ខេត្តបាត់ដំបង CAMBODIAN RED CROSS BTBមានដូចខាងក្រោម ៖ ធនាគារអេប៊ីអេ(ABA) គណនីប្រាក់ដុល្លារលេខ: 003585971 (USD) និងគណនីប្រាក់រៀលលេខ 003585989 (KHR)។

ពត៌មានបន្ថែមសូមទំនាក់ទំនង៖ លោក ផេង សិទ្ធី អនុប្រធានអចិន្រ្តៃយ៍គណៈកម្មាធិការសាខាខេត្ត ទូរសព្ទលេខ 012 873 536 លោក សុវណ្ណ វិទិត្យា ហិរញ្ញឹកគណៈកម្មាធិការសាខា ទូរសព្ទ័លេខ៖ 077 630 834 លោក កុសុម សុភីនារ៉ា នាយកប្រតិបត្តិសាខាខេត្ត ទូរសព្ទ័លេខ៖061 818 116 ៕