(ព្រះសីហនុ)៖ សាលាដំបូងខេត្តព្រះសីហនុ បានចេញផ្សាយដីកាកោះហៅសហចុងចម្លើយឈ្មោះ CHEN CAIZHI និងឈ្មោះ HUANG ZHICAI និងបានកំណត់កាលបរិច្ឆេទ នៃនីតិវិធី ត្រៀមសម្រាប់ការទាញហេតុផលលើកទី៣ នៅថ្ងៃទី១១ ខែកញ្ញា ឆ្នាំ២០២៥ វេលាម៉ោង០៨៖៣០នាទីព្រឹក នៅសាលាដំបូងខេត្តព្រះសីហនុ ជាន់ទី២ បន្ទប់ចៅក្រម «ឈ»។

ក្នុងការបញ្ជូនដីកាកោះ តាមការផ្សាយជាសាធារណៈនេះ តុលាការបានសម្រេចឱ្យធ្វើការបញ្ជូនតាមលក្ខខណ្ឌ ដូចខាងក្រោម៖
១៖ បិទផ្សាយលិខិតជូនដំណឹងនេះ នៅបញ្ហារព័ត៌មានសាលាដំបូងខេត្តព្រះសីហនុ។
២៖ ចុះផ្សាយលិខិតជូនដំណឹងនេះ នៅគេហទំព័រហ្វេសប៊ុកផ្លូវការ (FACEBOOK) របស់សាលាដំបូងខេត្តព្រះសីហនុ។
៣៖ បិទផ្សាយលិខិតជូនដំណឹងនេះ នៅទីតាំងដី និងអគារដែលជាកម្មវត្ថុនៃកិច្ចសន្យា។
៤៖ បិទផ្សាយលិខិតជូនដំណឹងនេះ នៅទំព័រសារព័ត៌មាន។

អាស្រ័យដូចបានជម្រាបជូនខាងលើ សូមសហចុងចម្លើយឈ្មោះ CHEN CAIZHI ភេទប្រុស ជនជាតិចិន និងឈ្មោះ HUANG ZHICAI ភេទប្រុស ជនជាតិចិន ចូលមកយកដីកាកោះ ចុះថ្ងៃទី២៥ ខែសីហា ឆ្នាំ២០២៥, កំណត់ ហេតុនីតិវិធីត្រៀមសម្រាប់ការទាញហេតុផលលើកទី១, កំណត់ហេតុនីតិវិធីត្រៀមសម្រាប់ការទាញហេតុផលលើក ទី២ និងពាក្យបណ្តឹង ចុះថ្ងៃទី១៤ ខែកុម្ភៈ ឆ្នាំ២០២៥ នៅសាលាដំបូងខេត្តព្រះសីហនុ នៅរៀងរាល់ម៉ោងធ្វើការ៕