(ចិន)៖ ដោយទទួលបានគោលការណ៍អនុញ្ញាតដ៏ខ្ពង់ខ្ពស់ពីរាជរដ្ឋាភិបាលកម្ពុជា នៅថ្ងៃទី២៦ ខែសីហា ឆ្នាំ២០២៥ លោក ហួត ហាក់ រដ្ឋមន្ត្រីក្រសួងទេសចរណ៍ បានអញ្ជើញជាគណៈអធិបតីជាមួយលោក Ma Zhigang ប្រធានមន្ទីរវប្បធម៌ និងទេសចរណ៍ខេត្តយូណាននៃសាធារណរដ្ឋប្រជាមានិតចិន។

លោក Liu Minglin នាយកប្រតិបត្តិរបស់ក្រុមហ៊ុន Yunnan Investment Group បានផ្តល់កិត្តិយសដ៏ខ្ពង់ខ្ពស់ ជាសក្ខីភាពនៃការចុះអនុស្សរណៈនៃការយោគយល់គ្នាចំនួន៥ រួមមាន៖

ទី១៖ អនុស្សរណ:នៃការយោគយល់គ្នារវាងមន្ទីរទេសចរណ៍ខេត្តសៀមរាប និងមន្ទីរវប្បធម៌ និងទេសចរណ៍ខេត្តយូណាន

ទី២៖ អនុស្សរណ:នៃការយោគយល់គ្នារវាងក្រុមប្រឹក្សាភិបាលសិក្សាទីផ្សារ និងផ្សព្វផ្សាយទេសចរណ៍កម្ពុជា និងក្រុមហ៊ុន Angkor International Airport Investment (Cambodia) Co., Ltd.,

ទី៣៖ អនុស្សរណ:នៃការយោគយល់គ្នារវាងសាលាវិជ្ជាជីវ:ទេសចរណ៍កម្ពុជា និងវិទ្យាស្ថានទេសចរណ៍ខេត្តយូណាន (Yunnan College of Tourism)

ទី៤៖ អនុស្សរណ:នៃការយោគយល់គ្នារវាងសមាគមទេសចរណ៍កម្ពុជា និងសមាគមទេសចរណ៍ខេត្តយូណាន

ទី៥៖ អនុស្សរណៈនៃការយោគយល់គ្នារវាងសមាគមទេសចរណ៍កម្ពុជា និងក្រុមហ៊ុន Yunnan Qicheng International Travel Services Co., Ltd.៕