(ភ្នំពេញ)៖ អ្នកឧកញ៉ាបណ្ឌិត ម៉ម វណ្ណឌី និងអ្នកឧកញ៉ា ទៀង ផល្លា នៅថ្ងៃទី២៧ ខែសីហា ឆ្នាំ២០២៥ បានមានសទ្ធាជ្រះថ្លាក្នុងព្រះពុទ្ធសាសនាបានរៀបចំសង្ឃភត្តចំនួន ១៥ តុ និងនាំយកអង្ករចំនួន ១តោន និងទឹកវីតាល់ចំនួន ១០០កេស ប្រគេនចំពោះព្រះសង្ឃដែលគង់ចាំព្រះវស្សាក្នុងពន្ធសីមាវត្តវិមានតេជៈស្រះចក ស្ថិតនៅសង្កាត់ស្រះចក ខណ្ឌដូនពេញ រាជធានីភ្នំពេញ។

ពិធីនេះបានធ្វើឡើងក្រោមព្រះវត្តមានសម្ដេចព្រះឧត្តមចរិយាបណ្ឌិត ឈឺង ប៊ុនឈា ព្រះចៅអធិការវត្ត និងជាព្រះអនុប្រធាន អគ្គលេខាធិការនៃថេរសភានៃព្រះពុទ្ធសាសនានៃកម្ពុជា ក្នុងគោលបំណងឧទ្ទិសចំពោះវិបាកវិញ្ញាណក្ខន្ធវីរកងទ័ពដ៏អង់អាចក្លាហាន ការពារទឹកដី ដែលបានពលីជីវិតដើម្បីជាតិមាតុភូមិរបស់យើង។

ក្នុងឱកាសនោះដែរ អ្នកឧកញ៉ា បានបវារណាបច្ច័យបួនចំពោះព្រះសង្ឃគ្រប់ព្រះអង្គសរុបចំនួន ៨៣ព្រះអង្គ ក្នុង ១អង្គៗ ១០ម៉ឺនរៀល។ ដោយឡែកសម្ដេចព្រះចៅអធិការបវារណាបច្ច័យបួនចំនួន ១ពាន់ដុល្លារសហរដ្ឋអាម៉េរិក៕