(កោះកុង)៖ លោកស្រី មិថុនា ភូថង និងលោក ជេត វុទ្ធី ប្រធានមណ្ឌលប្រឡង បានអញ្ជើញចូលរួមបើកហិបវិញ្ញាសារប្រឡងសញ្ញាបត្រទុតិយភូមិនៅមណ្ឌលប្រឡងវិទ្យាល័យវិទ្យាល័យចំណេះទូទៅបច្ចេកទេសតេជោ សែនកោះកុង នៅព្រឹកថ្ងៃទី២៨ ខែសីហា ឆ្នាំ២០២៥។

ក្នុងឱកាសនេះលោកស្រី មិថុនា ភូថង បានលើកទឹកចិត្តបេក្ខជនប្រឡងទុតិយភូមិ (បាក់ឌុប) ទាំងអស់ ឲ្យខិតខំឱ្យអស់ពីសមត្ថភាព ក្នុងការប្រឹងប្រែងសរសេរចម្លើយដើម្បីទទួលបានលទ្ធផលល្អ ប្រឡងជាប់ទាំងអស់គ្នា ដើម្បីចូលរួមចំណែកក្នុងការអភិវឌ្ឍន៍ប្រទេសជាតិបង្កើនធនធានមនុស្សនិងដើម្បីអនាគត់ខ្លួនឯង។

លោកស្រីបានលើកឡើងថា ក្នុងឱកាសដែលនេះក្រសួងអប់រំ យុវជន និងកីឡា និងអ្នកពាក់ព័ន្ធ អញ្ជើញកាត់បើកស្រោមវិញ្ញាសាប្រឡងសញ្ញាបត្រមធ្យមសិក្សាទុតិយភូមិសម្រាប់ឆ្នាំសិក្សា ២០២៤-២០២៥ សម័យប្រឡង ថ្ងៃទី២៨-២៩ ខែសីហា ឆ្នាំ២០២៥ ដើម្បីប្អូនៗក្មួយៗឆាប់បំពេញកិច្ចការ និងអនុវត្តន៍តាមការណែនាំរបស់ក្រសួងអប់រំ ហើយអនុរក្សតាមបន្ទប់នីមួយៗ ត្រូវអនុវត្តន៍យ៉ាងម៉ឺងម៉ាត់ ទៅតាមការណែនាំរបស់ក្រសួង។

លោកស្រីបានលើកឡើងបន្ថែមថា ប្អូនៗក្មួយៗត្រូវខិតខំព្យាយាមធ្វើកិច្ចការឲ្យល្អ និងយកនិទ្ទេស A ដើម្បីទទួលរង្វាន់ពីសម្តេចពិជ័យសេនាផងដែរ។

សូមបញ្ជាក់ថា សម័យប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០២៥នេះ សម្រាប់ខេត្តកោះកុងមណ្ឌលប្រឡងមានចំនួន៣មណ្ឌល

*ទី១៖ មណ្ឌលអនុវិទ្យាល័យ ជា ស៊ីម
*ទី២៖ មណ្ឌលវិទ្យាល័យទូទៅ និងបច្ចេកទេសតេជោសែនកោះកុង
*ទី៣៖ មណ្ឌលសាលាបឋមទីរួមខេត្ត។ បេក្ខជនប្រឡងឆ្នាំ២០២៥ សរុបចំនួន១,១៧០នាក់ (ស្រី៦២៩នាក់)៕