(បន្ទាយមានជ័យ)៖ លោក ឌិត​ ទីណា​ រដ្ឋមន្រ្តីក្រសួងកសិកម្ម​ រុក្ខាប្រមាញ់​ និងនេសាទ​ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ​ អមដំណើរដោយ​លោក​ អ៊ុំ​ រាត្រី​ អភិបាល​ខេត្តបន្ទាយមានជ័យ​ និងក្រុមការងារ នាព្រឹកថ្ងៃទី២៨​ ខែសីហា​ ឆ្នាំ២០២៥​ បានចុះសួរសុខទុក្ខពុកម៉ែបងប្អូនប្រជាពលរដ្ឋ ដែលទាហានថៃ ចូលមកព័ទ្ធយកផ្ទះចំនួន១២គ្រួសារ នៅភូមិជោគជ័យ និងភូមិព្រៃចាន់ ឃុំអូរបីជាន់ ស្រុកអូរជ្រៅ​ ខេត្តបន្ទាយមានជ័យ។

លោករដ្ឋមន្ត្រី​ សូមឱ្យពុកម៉ែបងប្អូនប្រជាពលរដ្ឋរក្សាភាពអត់ធ្មត់ ហើយទុកចិត្តលើកិច្ចខិតខំប្រឹងប្រែងរបស់រាជរដ្ឋាភិបាលក្នុងការរក្សាបទឈប់បាញ់ និងការដោះស្រាយបញ្ហាដោយសន្តិវិធី ដើម្បីឱ្យពុកម៉ែបងប្អូនអាចវិលត្រឡប់ទៅគេហដ្ឋានវិញ៕