(កំពង់ស្ពឺ)៖ វីរកងទ័ពម្នាក់មានតួនាទីជានាយក្រុមកាំភ្លើងធំ ប្រចាំការនៅទិសទី៣ ប្រាសាទតាមាន់ ខេត្តឧត្តរមានជ័យ ត្រូវបានប្រពន្ធស្លាប់ចោលដោយសារជំងឺគាំងបេះដូង នៅគ្រាដែលខ្លួនកំពុងបំពេញបេសកកម្មការពារបូរណភាពទឹកដី។

អនុសេនីយ៍ទោ សំ ស៉ីណា បានបាត់បង់ភរិយាឈ្មោះ ទូច ចិន្ដា អាយុ៣២ឆ្នាំ រស់នៅភូមិដកពរ ឃុំវល្លិសរ ស្រុកសំរោងទង ខេត្តកំពង់ស្ពឺ នាថ្ងៃទី២៨ ខែសីហា ឆ្នាំ២០២៥នេះ។ អ្វីដែលគួរសោកសង្រែងទៀតនោះ គឺបន្សល់ទុកកូនប្រុសម្នាក់អាយុ៦ឆ្នាំ ក្លាយជាក្មេងកំព្រាម្ដាយ។

បច្ចុប្បន្នសពធ្វើបុណ្យនៅភូមិដកពរ ឃុំវល្លិសរ ស្រុកសំរោងទង ខេត្តកំពង់ស្ពឺ៕