(សៀមរាប)៖ នាថ្ងៃទី២៨ ខែសីហា ឆ្នាំ២០២៥ លោក ប្រាក់ សោភ័ណ អភិបាល នៃគណៈអភិបាលខេត្តបានអនុញ្ញាតឱ្យលោក យ៉ូណេហ្សាវ៉ា អាត់ស៊ូស៉ី ប្រធានការិយាល័យកុងស៊ុលជប៉ុន នៅខេត្តសៀមរាប បានចូលជួបសម្តែងការគួរសម នៅសាលាខេត្ត ។

លោក ប្រធានការិយាល័យកុងស៊ុលជប៉ុន នៅខេត្តសៀមរាប បានថ្លែងអំណរគុណយ៉ាងជ្រាលជ្រៅ ចំពោះលោក ប្រាក់ សោភ័ណ អភិបាល នៃគណៈអភិបាលខេត្តដែលបានចំណាយពេលវេលាដ៏មានតម្លៃ និងបានអនុញ្ញាតឱ្យលោកនិងក្រមការងារបានជួបនាពេលនេះ ។

ឆ្លៀតក្នុងឱកាសនេះ លោក ប្រធានការិយាល័យកុងស៊ុលជប៉ុនក៏បានជូនពរលោក អភិបាលខេត្តក្នុងឱកាសនៃខួបចម្រើនអាយុវឌ្ឍនមង្គល ៤៣ឆ្នាំ ឈានចូល ៤៤ឆ្នាំ និងសូមបួងសួងដល់គុណបុណ្យព្រះរតនត្រ័យកែវទាំងបី និងវត្ថុស័ក្តិសិទ្ធិក្នុងលោក សូមប្រោះព្រំ ប្រសិទ្ធពរជ័យ បវរសួស្តី សិរីមង្គល វិបុលសុខ មហាប្រសើរជូនចំពោះលោក ប្រាក់ សោភ័ណ និងលោកជំទាវ ព្រមទាំង បុត្រា-បុត្រី ជាទីស្រលាញ់ សូមប្រកបតែពុទ្ធពរទាំងបួនប្រការគឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

លោក អភិបាលខេត្ត ក៏បានថ្លែងអំណរគុណផងដែរចំពោះលោក ប្រធានការិយាល័យកុងស៊ុលជប៉ុននៅខេត្តសៀមរាបដែលបានឆ្លៀតឱកាសដ៏មមាញឹក និងមានតម្លៃអញ្ជេីញជួបសម្តែងការគួរសមនិងជូនពរនាពេលនេះ៕