(ភ្នំពេញ)៖ ក្រសួងអប់រំ យុវជន និងកីឡា បានបញ្ជាក់ឱ្យដឹងនៅព្រឹកថ្ងៃទី២០ ខែកញ្ញា ឆ្នាំ២០២៥នេះថា បេក្ខជនប្រឡងសញ្ញាបត្រមធ្យមសិក្សាទុតិយភូមិ ដែលបាន​និទ្ទេស​ A លំដាប់​ពិន្ទុ​ ១០០.០០០ សម្រាប់ឆ្នាំ២០២៥នេះ បានទៅលើយុវតី​ ឃុន​ ដាលីណា​ ជា​បេក្ខជន​នៅ​ខេត្តបន្ទាយមានជ័យ​ និងជាអ្នកទទួលបានរថយន្តអគ្គិសនី Leapmotor TO3 ។

គួរបញ្ជាក់ផងដែរថា រថយន្ត Leapmotor T03 គឺជាប្រភេទរថយន្ត city car ទ្វារ-5 អគ្គិសនីសុទ្ធ100% ដែលអាចបើកបរបាន ៣១០Km សម្រាប់ការសាកថាមពលមួយពេញ និងមានលក្ខណៈពិសេសទំនើបដ៏សំបូរបែបជាច្រើន ដែលមានតម្លៃ $១៥ ៩៩០។

សូមជម្រាបដែរថា ក្រសួងអប់រំ បានបញ្ជាក់ថា លទ្ធផល​បាក់ឌុបឆ្នាំនេះ បេក្ខជនជាប់សរុប ១២២,៤៧៣នាក់ មានជាប់និទ្ទេស A ចំនួន ៣,០០៣នាក់, ជាប់និទ្ទេស B ចំនួន ៩,៩០១នាក់, ជាប់និទ្ទេស C ចំនួន ២៨,៨០១នាក់, ជាប់និទ្ទេស D ចំនួន៤៥,៨៥៩នាក់ និងជាប់និទ្ទេស E ចំនួន ៣៤,៩០៩នាក់៕