(បាត់ដំបង)៖ តំណាងលោក កែវ រ៉េមី ទេសរដ្ឋមន្ត្រី ប្រធានគណៈកម្មាធិការសិទ្ធិមនុស្សកម្ពុជា និងជាប្រធានក្រុមការងាររាជរដ្ឋាភិបាលចុះជួយស្រុកគាស់ក្រឡ លោក លឹម រតនៈ ប្រធានក្រុមការងារមូលដ្ឋានឃុំឆ្នាល់មាន់ កាលពីថ្ងៃទី១៩ ខែកញ្ញា ឆ្នាំ២០២៥ បានដឹកនាំក្រុមការងារមូលដ្ឋានឃុំឆ្នាល់មាន់ មាន លោក រាជ សម្រេច, លោក ភឿន ឈុង, លោក ងួន រស្មី, លោក លី សុខាភិរម្យ, លោក ប៊ុត ផល្លា, លោក វ៉ែង មញលីវិភ័ក្ត្រ, លោក អ៉ឹម ម៉ានិត, លោក ឌី សុបិន, លោក នង នឿន, លោក សារឿន, លោក ច្រែង ចំរេីន, លោកស្រី យ៉ុត លីសា, អាជ្ញាធរភូមិឃុំ, យុវជនឃុំ និងប្រជាការពារភូមិ ព្រមទាំងពុទ្ធបរិស័ទចំណុះជេីងវត្ត និងសាលាបុណ្យអញ្ជេីញចូលរួមពិធីបុណ្យកាន់បិណ្ឌវេន្តី១២ នៅវត្តចំនួន២ និងសាលាបុណ្យចំនួន២ ដូចខាងក្រោម៖

១. នៅវត្តបន្ទាយគិរីសត្ថារាម ហៅវត្តសំរោង និងសាលាបុណ្យចំការអូ ស្ថិតនៅក្នុងភូមិសំរោង ២. នៅសាលាបុណ្យ បុរីឆ្លាកមាស(ឆ្លាក) ស្ថិតនៅក្នុងភូមិព្រៃទទឹង ៣. នៅវត្តបរមនិវេសនារាម ស្ថិតនៅក្នុងភូមិឆ្នាល់មាន់។

នាពិធីនេះលោក លឹម រតនៈ បានពាំនាំយកសេចក្តីនឹករលឹក ការផ្តាំផ្ញេីរសួរសុខទុក្ខ និងការយកចិត្តទុកដាក់ដ៏ធំធេងរបស់ ទេសរដ្ឋមន្ត្រី កែវ រ៉េមី ប្រធានក្រុមការងារ ជូនដល់លោកតាលោកយាយ អ៊ុំ ពូមីង បងប្អូន កូនក្មួយចំណុះជេីងវត្ត ក៏ដូចសាលាបុណ្យទាំងអស់ឱ្យពង្រឹងស្មារតីសាមគ្គីភាពផ្ទៃក្នុង និងជឿជាក់ទុកចិត្តលេីប្រមុខរាជរដ្ឋាភិបាលដែលដឹកនាំដ៏ខ្ពង់ខ្ពស់ពី សម្តេចមហាសេនាធិបតីតេជោ ហ៊ុន សែន ប្រធានព្រឹទ្ធសភា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ក្នុងការផ្តល់នៅសុខសន្តិភាពជូនជនរួមជាតិ។

ឆ្លៀតក្នុងឱកាសដ៏វិសេសវិសាលនេះដែរ លោក លឹម រតនៈ ក៏បាននាំយកទេយ្យទាន និងបច្ច័យ ដ៏ថ្លៃថ្លាឧដុង្គឧត្តមរបស់ទេសរដ្ឋមន្ត្រី កែវ រ៉េមី ប្រធានក្រុមការងារ ប្រកេនជូនដល់ព្រះសង្សចំនួន២វត្ត និងជូនដល់សាលាបុណ្យចំនួន២ ដែលមានពុទ្ធបរិស័ទចូលរួមជាង ៣០០នាក់៕