* មុនជំនួបលោក ត្រាំ-លោក ស៊ី ជីនពីង សហរដ្ឋអាមេរិកជំរុញឱ្យចិនអនុវត្តតាមការសន្យាជុំវិញពាណិជ្ជកម្ម
* សម្តេចមហាបវរធិបតី៖ អត្ថន័យចម្រៀង «ម៉ែ! ពេលចប់សង្រ្គាមពុកមកវិញទេ?» បញ្ជាក់ច្បាស់ ហេតុអ្វីត្រូវអត់ធ្មត់ និងដោះស្រាយបញ្ហាតាមច្បាប់អន្តរជាតិ?
* គម្រោងវិនិយោគ ចំនួន៣៧ ក្នុងទំហំទុន ២៤៦លានដុល្លារ ត្រូវបានចុះបញ្ជីក្នុងខែតុលា
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា កីឡាមិនមែនគ្រាន់តែជាសកម្មភាពប្រកួតប្រជែង ដើម្បីដណ្តើមមេដាយ ឬបំបែកកំណត់ត្រានោះទេ។ កីឡា គឺជាមធ្យោបាយដ៏សំខាន់ក្នុងការកសាងមនុស្សឱ្យមានសុខភាពល្អ កាយសម្បទារឹងមាំ, វិន័យ, ការទទួលខុសត្រូវ និងស្មារតីសហការជាក្រុម។ កីឡា ក៏ជាសាលារៀនសម្រាប់អប់រំមនុស្សឱ្យចេះគោរពច្បាប់ គោរពគូប្រកួត ទទួលស្គាល់លទ្ធផល និងក្រោកឈរឡើងវិញនៅពេលបរាជ័យ។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ការរៀបចំឱ្យមានការប្រកួតកីឡាជាតិ និងកីឡាជាតិជនពិការជាប្រចាំ ជាគំនិតផ្តួចផ្តើម ប្រកបដោយឆន្ទៈមោះមុត និងចក្ខុវិស័យវែងឆ្ងាយរបស់សម្តេចតេជោ ហ៊ុន សែន អតីតនាយករដ្ឋមន្រ្តី ក្នុងគោលបំណងផ្តល់ឱកាសដល់កីឡាករ កីឡាការិនីមកពីរាជធានី ខេត្តទាំង២៥ បញ្ចេញសមត្ថភាព ទេពកោសល្យ ព្រមទាំងដុសខាត់ស្មារតី ឆន្ទៈ និងសាមគ្គីភាព។
* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ព្រឹត្តិការណ៍នេះក៏ដើម្បី បង្ហាញពីការយកចិត្តទុកដាក់ខ្ពស់របស់រាជរដ្ឋាភិបាលចំពោះតម្លៃដ៏វិសេសរបស់កីឡាករ កីឡាការិនី ជាពិសេសជំរុញការផ្លាស់ប្តូរឥរិយាបថសង្គមចំពោះជនមានពិការភាព សំដៅបង្កើតបរិយាកាសសង្គមកម្ពុជា ប្រកបដោយបរិយាប័ន្ន និងសុខដុម ដោយមិនទុកពលរដ្ឋណាម្នាក់ចោល។
* សម្តេចមហាបវរធិបតី ហ៊ុន ម៉ាណែត បានបង្ហាញក្តីសោមនស្សរីករាយ ដែលបានមកចូលរួមក្នុងពិធីបើកការប្រកួត កីឡាជាតិលើកទី៥ និងកីឡាជាតិជនពិការលើកទី៣ ក្រោមបុព្វបទ «កីឡាដើម្បីឯកភាពជាតិ»។
* វិមានក្រឹមឡាំង៖ ក្រុមមន្ត្រីការទូត-យោធារុស្ស៉ី នឹងចូលរួមក្នុងកិច្ចពិភាក្សាជាមួយសហរដ្ឋអាមេរិក និងអ៊ុយក្រែន
* សម្ដេចបវរធិបតី ហ៊ុន ម៉ាណែត អញ្ជើញជាអធិបតីបើកការប្រកួតកីឡាជាតិលើកទី៥ និងកីឡាជាតិជនពិការលើកទី៣
* គ.ប.ឆ.ប. បង្ហាញលទ្ធផលនៃកិច្ចប្រជុំផ្តល់បច្ចុប្បន្នភាពលើការប្រយុទ្ធប្រឆាំងបទល្មើស Online Scams ជូនដល់អង្គទូតបរទេស និងតំណាងអង្គការអន្តរជាតិប្រចាំកម្ពុជា
* ប្រធានាធិបតី ដូណាល់ ត្រាំ ផ្លាស់ប្តូរប្រធានខុទ្ទកាល័យសេតវិមាន បន្ទាប់ពីបរាជ័យក្នុងការបោះឆ្នោតពាក់កណ្តាលអាណត្តិ
* ក្រសួងមុខងារសាធារណៈ៖ ការធ្វើបច្ចុប្បន្នភាពរចនាសម្ព័ន្ធ និងជំរឿនមន្រ្តីជាក់ស្តែង សម្រេចបាន២៦ក្រសួង-ស្ថាប័ន
* សហរដ្ឋអាមេរិក រាយការណ៍ករណីជំងឺកញ្ជ្រឹលច្រើនបំផុត គិតក្នុងរយៈពេល៣៥ឆ្នាំ
* មនុស្សជាង ៤០០ ០០០នាក់នៅអាល្លឺម៉ង់ ធ្វើការតវ៉ាទាមទារដំឡើងប្រាក់ឈ្នួល និងលក្ខខណ្ឌការងារប្រសើរជាងមុន
* CoolApp ដំណើរការមុខងារផ្ទេរទិន្នន័យគណនីពីទូរសព្ទចាស់ទៅទូរសព្ទថ្មី ដោយងាយស្រួល មិនបាច់បារម្ភពីរឿងបាត់ឯកសារ (Transfer Data)

ប្រគល់-ទទួល អគារសិក្សាថ្មីមួយខ្នង ក្នុងអនុវិទ្យាល័យពោធិ៍សាត់ តម្លៃ៧ម៉ឺនដុល្លារ ជាអំណោយរបស់មហាឧបាសក ឃៀង ជា និងមហាឧបាសិកា ទឹម តុន ព្រមទាំងបុត្រ

05-10-2025 15:58

(ពោធិ៍សាត់)៖ អគារសិក្សាថ្មីមួយខ្នង មាន៥បន្ទប់ ដែលទើបសាងសង់រួច ប្រកបដោយសោភ័ណភាព និងគុណភាពខ្ពស់ ស្ថិតក្នុងបរិវេណអនុវិទ្យាល័យពោធិ៍សាត់ ប្រើប្រាស់ថវិកាអស់៧ម៉ឺនដុល្លារ ជាអំណោយដ៏ថ្លៃថ្លា របស់មហាឧបាសក ឃៀង ជា និងមហាឧបាសិកា ទឹម តុន ព្រមទាំងបុត្រ ត្រូវបានប្រគល់ជូន គណៈគ្រប់គ្រងអនុវិទ្យាល័យពោធិ៍សាត់ នាថ្ងៃទី០៥ ខែតុលា ឆ្នាំ២០២៥នេះ បានចាត់ចែងបន្តប្រើប្រាស់ ក្នុងការបង្ហាត់បង្រៀនសិស្សានុសិស្សជំនាន់ក្រោយ ឱ្យមានសមត្ថភាព ដើម្បីចូលរួមចំណែកអភិវឌ្ឍប្រទេសជាតិ ឱ្យមានការរីកចម្រើន។

ពិធីប្រគល់-ទទួល អគារសិក្សាខាងលើ ស្ថិតក្រោមអធិបតីភាព លោក លឹម ចន្ទថៃ សមាជិកក្រុមប្រឹក្សាខេត្ត និងជាប្រធានគណៈកម្មការគ្រប់គ្រង អនុ និងវិទ្យាល័យពោធិ៍សាត់ ដោយបានការចូលរួមពី លោកប្រធានមន្ទីរអប់រំ យុវជន និងកីឡាខេត្ត, លោកអភិបាលនៃគណៈអភិបាលក្រុងពោធិ៍សាត់, ក្រុមគ្រួសារ មហាឧបាសក ឃៀង ជា និងមហាឧបាសិកា ទឹម តុន, លោកគ្រូ អ្នកគ្រូ និងសិស្សានុសិស្សមួយចំនួនទៀត។

លោក ហេង រួន នាយកអនុវិទ្យាល័យពោធិ៍សាត់ បានជម្រាបជូនថា ក្នុងឆ្នាំសិក្សា ២០២៤-២០២៥ ក្រោមការយកចិត្តទុកដាក់ដ៏ខ្ពង់ខ្ពស់ របស់លោក ខូយ រីដា អភិបាលនៃគណៈអភិបាលខេត្តពោធិ៍សាត់ និងលោក លឹម ចន្ទថៃ សមាជិកក្រុមប្រឹក្សាខេត្ត និងជាប្រធានគណៈកម្មការគ្រប់គ្រងសាលា សមិទ្ធផលដែលអនុវិទ្យាល័យពោធិ៍សាត់ ទទួលបានរួមមានអគារសិក្សា ចំនួន២ខ្នង មាន១០បន្ទាប់ ដែលក្នុងនោះអគារសិក្សាមួយខ្នង ដែលត្រូវប្រគល់-ទទួលនាពេលនេះ ប្រើប្រាស់ថវិកាសាងសង់អស់៧ម៉ឺនដុល្លារ ជាអំណោយដ៏ថ្លៃថ្លារបស់ មហាឧបាសក ឃៀង ជា និងមហាឧបាសិកា ទឹម តុន ព្រមទាំងបុត្រ និងចៅៗ។

អគារសិក្សានេះ ចាប់ផ្តើមសាងសង់ នៅថ្ងៃទី១៨ ខែកុម្ភៈ ឆ្នាំ២០២៥ និងបញ្ចប់ការសាងសង់ នៅថ្ងៃទី១៨ ខែមិថុនា ឆ្នាំ២០២៥កន្លងទៅ ដោយបំពាក់នូវគ្រឿងបរិក្ខាសព្វគ្រប់បែបយ៉ាង មានទាំងតុ កៅអី ក្ដារខៀន អំពូលភ្លើង និងកង្ហារ ប្រកបដោយសោភ័ណភាពស្រស់ស្អាត និងសំណង់មានគុណភាពខ្ពស់។

លោក ឃៀង សុជីវ័ន្ត សមាជិកក្រុមប្រឹក្សាខេត្ត និងជាបុត្រាបង្កើត មហាឧបាសក ឃៀង ជា និងមហាឧបាសិកា ទឹម តុន បានថ្លែងឱ្យដឹងថា មាតាបិតារបស់លោក តែងតែឱ្យតម្លៃខ្ពស់លើការងារអប់រំ ដោយហេតុថា កាលនៅក្មេង ឪពុកម្តាយយើងបានលះបង់បញ្ជូនកូនទៅឆ្ងាយពីផ្ទះ ដើម្បីឱ្យយើងទទួលបានការអប់រំល្អ សម្រាប់អនាគតដ៏ល្អប្រសើរ។

លោកបន្តថា មាតារបស់លោក ធ្លាប់ធ្វើជាគ្រូបង្រៀន ហើយការបង្រៀន តែងតែនៅជិតបេះដូងរបស់គាត់ជានិច្ច។ ម្ល៉ោះហើយបន្ទាប់ពី បិតារបស់លោក គឺមហាឧបាសក ឃៀង ជា បានទទួលមរណភាព មាតាលោក ព្រមទាំងកូនៗ បានសម្រេចចិត្តប្រើប្រាស់ថវិកាសន្សំក្នុងគ្រួសារ ដើម្បីសាងសង់សាលារៀននេះឡើង ដោយហេតុចង់ផ្តល់អំណោយដល់សហគមន៍ និងបង្កើតឱកាសសម្រាប់កុមារ ឱ្យក្លាយខ្លួនជាពលរដ្ឋល្អក្នុងសង្គម រួមចំណែកជាវិជ្ជមានដល់គ្រួសារ សហគមន៍ និងប្រទេសជាតិជាទីស្រលាញ់។

លោក លឹម ចន្ទថៃ សមាជិកក្រុមប្រឹក្សាខេត្ត និងជាប្រធានគណៈកម្មការគ្រប់គ្រង អនុ និងវិទ្យាល័យពោធិ៍សាត់ បានឧទ្ទិសកុសលផលបុណ្យ ជូនចំពោះ មហាឧបាសក ឃៀង ជា និងថ្លែងអំណរគុណ ដល់មហាឧបាសិកា ទឹម តុន ព្រមទាំងបុត្រ និងចៅៗ ដែលបានសាងសង់អគារសិក្សាដ៏ថ្មីស្រឡាង និងធ្វើពិធីប្រគល់ជូនគណៈគ្រប់គ្រងសាលានាពេលនេះ អាចប្រើប្រាស់ជាបណ្ដោះអាសន្ន មុននឹងឈានបើកសម្ពោធជាផ្លូវការ នាពេលឆាប់ៗខាងមុខ។

លោកបន្តថា អគារសិក្សាថ្មីមួយខ្នងនេះ នឹងក្លាយជាកន្លែងសិក្សា ប្រកបដោយវិន័យ និងការបំផុសគំនិតអប់រំល្អ ដល់កូនចៅជំនាន់ក្រោយ ឱ្យមានសមត្ថភាពខ្ពស់ ក្លាយជាមនុស្សពេញលេញ ដើម្បីរួមចំណែកដឹកនាំ និងអភិវឌ្ឍប្រទេសជាតិយើង ឱ្យកាន់តែរីកចម្រើនបន្ថែមទៀត។ ជាមួយគ្នានោះ ក្នុងនាមប្រធានគណៈកម្មការគ្រប់គ្រងសាលា លោក លឹម ចន្ទថៃ ក៏បានប្តេជ្ញាថែទាំសមិទ្ធផលថ្មីនេះ ឱ្យបានប្រើប្រាស់យូរអង្វែង។

ក្នុងឱកាសនោះ តាមរយៈបុត្រ និងចៅៗ របស់មហាឧបាសក ឃៀង ជា និងមហាឧបាសិកា ទឹម តុន ក៏បានផ្តល់សៀវភៅសិក្សា ចំនួន១ពាន់ក្បាល សម្រាប់ចែកជូនដល់សិស្សក្រីក្រ និងសិស្សចូលរួម ២០នាក់ ក្នុងម្នាក់ៗទទួលបានសៀវភៅ៥ក្បាល និងថវិកា២ម៉ឺនរៀល ដោយឡែកលោកគ្រូ អ្នកគ្រូ ២០នាក់ ម្នាក់ៗទទួលបានថវិកា ៥ម៉ឺនរៀល ព្រមទាំងទទួលលិខិតថ្លែងអំណរគុណ របស់បណ្ឌិតសភាចារ្យ ហង់ ជួនណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡាផងដែរ៕