(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានផ្ញើសារលិខិតរំលែកមរណទុក្ខ ជូនឯកឧត្ដម អនុធីន ឆានវីរគុល នាយករដ្ឋមន្ត្រីនៃព្រះរាជាណាចក្រថៃ ចំពោះការយាងសោយទិវង្គតរបស់ព្រះមហាក្សត្រី សិរីគិត ព្រះមាតាជាតិថៃ។

តាមរយៈសារលិខិតនេះ សម្តេចបានថ្លែងថា តាងនាមឱ្យរាជរដ្ឋាភិបាលនិងប្រជាជនកម្ពុជាទាំងអស់ សម្តេចសូមសម្តែងសមានទុក្ខយ៉ាងជ្រាលជ្រៅបំផុត ជូនចំពោះរាជរដ្ឋាភិបាល និងប្រជាជនថៃ សម្រាប់ការបាត់បង់ដ៏ធំធេង និងមិនអាចជំនួសបាន នៃព្រះមហាក្សត្រីយានីជាស្រឡាញ់​របស់ប្រជាជាតិថៃ។

សូមជម្រាបថា យោងតាមការប្រកាសរបស់ព្រះបរមរាជវាំងថៃ កាលពីព្រឹកថ្ងៃសៅរ៍នេះ បានឲ្យដឹងថា ព្រះមហាក្សត្រី សិរីគិត បានយាងសោយទិវង្គតក្នុងព្រះជន្មាយុ៩៣ព្រះវស្សា កាលពីវេលាម៉ោង៩យប់ថ្ងៃសុក្រ នៅឯមន្ទីរពេទ្យ King Chulalongkorn Memorial Hospital ក្នុងទីក្រុងបាងកក៕

ខាងក្រោមនេះជាលិខិតរំលែកទុក្ខ៖