(កំពង់ធំ)៖ លោក ងួន រាសី សមាជិកអចិន្រៃ្តយ៍យុវជនគណបក្សថ្នាក់កណ្តាល និងជាប្រធានយុវជនគណបក្សប្រជាជនកម្ពុជាខេត្តកំពង់ធំ បានជួបសំណេះសំណាលសមាជិកយុវជនគណបក្សប្រជាជនកម្ពុជាស្រុកសណ្តាន់ និងស្រុកប្រាសាទសំបូរ នៅថ្ងៃទី២៧ ខែតុលា ឆ្នាំ២០២៥។

លោក ងួន រាសី បានផ្តាំផ្ញើការសួរសុខទុក្ខពីសម្តេចមហាបវរធិបតី ហ៊ុន ម៉ាណែត អនុប្រធានគណបក្សប្រជាជនកម្ពុជា និងជាប្រធានយុវជនគណបក្សប្រជាជនកម្ពុជាថ្នាក់កណ្តាល និងលោក នួន ផារ័ត្ន ប្រធានគណបក្សខេត្ត។

លោកបន្តថា ការជួបជុំក្នុងវេលានេះ គឺដោយសារសុខសន្តិភាព និងស្ថេរភាពនយោបាយ ដែលដឹកនាំដោយគណបក្សប្រជាជនកម្ពុជា ដែលមានមេដឹកនាំដ៏ឈ្លាសវៃមិនធ្លាប់មានក្នុងរយៈពេលជាច្រើនសតវត្សរ៍ក្រោយសម័យអង្គរ ដ៏រុងរឿង ក្នុងការគ្រប់គ្រងប្រទេសប្រកបដោយវឌ្ឍនភាពរីកចម្រើនគ្រប់វិស័យ។ ដូចយើងទាំងអស់គ្នាបានដឹង និងបានមើលឃើញជាក់ស្ដែងស្រាប់ក្នុងអាណត្តិរាជរដ្ឋាភិបាលថ្មីដែលដឹកនាំដោយ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី។

លោកបានលើកឡើងពីលទ្ធផល នៃការអភិវឌ្ឍ ដែលជាស្នាដៃរបស់គណបក្សប្រជាជនកម្ពុជា បានកសាងស្ពានឆ្លងនៅតាមទីជនបទ ផ្លូវក្រាលគ្រួសក្រហម ផ្លូវក្រាល កៅស៊ូ ផ្លូវចាក់បេតុងជាច្រើនខ្សែខ្វាត់ខ្វែង អគារសិក្សាគ្រប់កន្លែង មណ្ឌលសុខភាពគ្រប់ឃុំ មន្ទីរពេទ្យ បង្អែក និងធារាសាស្ត្រ ប្រព័ន្ធប្រឡាយទឹក និងគ្រប់វិស័យកំពុងដើរតួយ៉ាងសំខាន់ក្នុងការ ជួយផ្តល់ឱកាសការងារ ប្រាក់ចំណូលរួមចំណែក លើកកម្ពស់សេដ្ឋកិច្ចប្រជាជនក្នុងខេត្ត និងសេដ្ឋកិច្ចជាតិរបស់យើង៕