(ព្រៃវែង)៖ ដើម្បីអបអរព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក រដ្ឋបាលខេត្តព្រៃវែង ក្រោមការដឹកនាំដោយលោកសួន សុម៉ាលីន អភិបាលខេត្តព្រៃវែង នឹងតេស្តសាកល្បងបាញ់ទឹកតាមចង្វាក់ភ្លេង រយ:ពេលចំនួន៣ថ្ងៃ គឺចាប់ពីថ្ងៃទី៤-៦ ខែវិច្ឆិកា ឆ្នាំ២០២៥ វេលាម៉ោង ៦និង៣០នាទីល្ងាច ដល់ម៉ោង៩និង០០នាទីយប់ នៅបរិវេណរមណីយដ្ឋានចុងប៉ម ក្រុងព្រៃវែង ខេត្តព្រៃវែង។

សូមបងប្អូនប្រជាពលរដ្ឋ ភ្ញៀវជាតិ-អន្តរជាតិ ចូលរួមទស្សនាកំសាន្តរីករាយឲ្យបានច្រើនកុះករ និងរួមគ្នាថែរក្សាសន្តិសុខសណ្តាប់ធ្នាប់ អនាម័យបរិស្ថានឲ្យបានល្អប្រសើរ និងធ្វើដំណើរទៅទីជិតឆ្ងាយប្រកបដោយសុខសុវត្ថិភាព។

សូមបញ្ជាក់ថា បន្ទាប់ពីការតេស្តសាកល្បងការបាញ់ទឹកតាមចង្វាក់ភ្លេងរយៈពេលចំនួន៣ថ្ងៃបានបញ្ចប់ ការបាញ់ទឹកតាមចង្វាក់ភ្លេងនេះ នឹងប្រព្រឹត្តទៅតែថ្ងៃសៅរ៍-អាទិត្យតែប៉ុណ្ណោះ៕