ផ្សាររាត្រីឥណ្ឌូណេស៉ី នៅផ្លូវថ្មើរជើងចតុមុខ នឹងលើកកម្ពស់ទំនាក់ទំនង និងភាពស្និទ្ធស្នាលប្រជាជនឥណ្ឌូណេស៉ី និងកម្ពុជា (Video inside)

* ប្រធានាធិបតី ដូណាល់ ត្រាំ ប្រកាសថានឹងទទួលស្គាល់លទ្ធផលបោះឆ្នោត ក្រោយបក្សសាធាណរដ្ឋបាត់បង់ការគ្រប់គ្រងនៅសភាទាំងពីរ

* នារីចិនម្នាក់បាត់ខ្លួន ក្រោយទៅដល់ប្រទេសថៃ ដើម្បីជួបបុរសស្គាល់គ្នាតាមអនឡាញដែលសន្យាឲ្យទូរស័ព្ទ iPhone 18

* អ្នកដំណើរកប៉ាល់ទេសចរណ៍ Villa Vie Odyssey ចេញមុខបដិសេធថា មិនបានហៅក្រុងព្រះសីហនុ ថាជាទីក្រុង Scam ដូចការចុះផ្សាយរបស់កាសែត Financial Times ឬ Khaosod ឡើយ

* អ៉ីរ៉ង់៖ ប្រជាជនអាមេរិក បានបោះឆ្នោតឆ្លើយថា «ទេចំពោះសង្គ្រាម»

* BREAKING: គណបក្សប្រជាធិបតេយ្យឈ្នះអាសនៈភាគច្រើនគ្រប់គ្រងព្រឹទ្ធសភា ខណៈជិតយកបានរដ្ឋសភា

* រាជរដ្ឋាភិបាលចង់ប្រែក្លាយស្ថាប័នបណ្ណសារដ្ឋានជាតិ និងបណ្ណាល័យជាតិពី «ទីតាំងតម្កល់ឯកសារ» ឱ្យទៅជា «មជ្ឈមណ្ឌលជាតិឌីជីថល» ដែលជាគោលដៅទេសចរណ៍វប្បធម៌

* ថៃបញ្ជាឱ្យកងកម្លាំងតាមព្រំដែនត្រៀមជម្លៀសជនស៊ីវិល ចំពោះមុខការបន្តប្រយុទ្ធគ្នាក្នុងសង្រ្គាមស៉ីវិលនៅមីយ៉ាន់ម៉ា

* សម្តេចមហាបវរធិបតី ហ៊ុន ម៉ាណែត ណែនាំបញ្ជូននិស្សិតទៅរៀនសូត្រក្រៅប្រទេសលើជំនាញគ្រប់បណ្ណសារដ្ឋាន។

* សម្តេចមហាបវរធិបតី ហ៊ុន ម៉ាណែត ណែនាំឱ្យរៀបចំផែនការយុទ្ធសាស្ត្រស្តីពីការធ្វើទំនើបកម្មបណ្ណសារដ្ឋានជាតិ ឱ្យបានឆាប់តាមដែលអាចធ្វើទៅបាន, ធ្វើវិសោធនកម្មចាំបាច់ណាមួយចំពោះច្បាប់ស្តីពីបណ្ណសារ ឱ្យស្របតាមសា្ថនភាពនៃការវិវត្តរបស់សង្គម សេដ្ឋកិច្ចកម្ពុជា និង ពិភពលោកនាពេលបច្ចុប្បន្ន។

* សម្តេចមហាបវរធិបតី ហ៊ុន ម៉ាណែត បានបង្ហាញការកត់សម្គាល់កូនខ្មែររៀនសូត្រស្រាវជ្រាវពីប្រវត្តិសាស្ត្រខ្លួន ដែលសរសេរដោយជនបរទេស។ ដូច្នេះត្រូវលើកទឹកចិត្តឱ្យកូនខ្មែរចងក្រងប្រវត្តិសាស្ត្ររបស់ខ្លួន។

* សម្តេចមហាបវរធិបតី ហ៊ុន ម៉ាណែត មានប្រសាសន៍ថា មិនគួររំលាយចូលគ្នារវាងបណ្ណសារជាតិ និងបណ្តាល័យជាតិនោះទេ តែត្រូវមានប្រព័ន្ធគ្រប់គ្រងតែមួយ។

* សម្តេចមហាបវរធិបតី ហ៊ុន ម៉ាណែត មានប្រសាសន៍ថា បណ្ណសារដ្ឋានជាតិ មានតម្លៃជាងមាសដុំ ព្រោះបានតម្កល់ឫសគល់អត្តសញ្ញាណ និងប្រវត្តសាវតាររបស់ជាតិ។

* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ក្នុងគោលបំណងជំរុញការធ្វើទំនើបកម្មបណ្ណសារដ្ឋានជាតិ ដើម្បីរួមចំណែកដល់ការលើកកម្ពស់ការយល់ដឹងរបស់សាធារណជនអំពីបណ្ណសារដ្ឋានជាតិ ជាពិសេសគុណតម្លៃរបស់បណ្ណសារដ្ឋានជាតិ ដែលជាគ្រឹះសំខាន់នៃអត្តសញ្ញាណជាតិ។

* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ទោះបីជាប្រភេទឯកសារបុរាណ ជាច្រើនបានបាត់បង់ និង ពុកផុយ តាមកត្តាធម្មជាតិ និងកត្តាសង្គ្រាម ក៏កម្ពុជានៅមានកេរមរតកឯកសារសំណេរលើថ្ម ជាប្រភេទ «អក្សរថ្ម» ឬ «សិលាចារឹក» ដែលមានចំណាស់យ៉ាងហោចណាស់ចាប់តាំងពីសតវត្សរ៍ទី៥ ឬ អាចមុននោះទៀតផង ហើយកម្ពុជាក៏មានចំនួនផ្ទាំងចារឹកច្រើនជាងគេនៅក្នុងតំបន់អាស៊ីអាគ្នេយ៍។

* សម្តេចមហាបវរធិបតី ហ៊ុន ម៉ាណែត មានប្រសាសន៍ថា ឯកសារបណ្ណសារទាំងនេះហើយ គឺជា «ឫសគល់» ឬ «ឫសកែវ» នៃអត្តសញ្ញាណ និង ចំណេះដឹងជាតិ ដែលតម្រូវឱ្យយើងខិតខំអភិរក្ស ទាំងឯកសាររូបវន្ត និងការធ្វើឌីជីតូបនីយកម្ម, ដើម្បីឱ្យកូនចៅជំនាន់ក្រោយមានមូលដ្ឋានគ្រឹះរឹងមាំក្នុងការសិក្សាស្រាវជ្រាវ។

* CoolApp ដំណើរការមុខងារផ្ទេរទិន្នន័យគណនីពីទូរសព្ទចាស់ទៅទូរសព្ទថ្មី ដោយងាយស្រួល មិនបាច់បារម្ភពីរឿងបាត់ឯកសារ (Transfer Data)

* អ៉ីរ៉ង់៖ ប្រជាជនអាមេរិក បានបោះឆ្នោតឆ្លើយថា «ទេចំពោះសង្គ្រាម»

ផ្សាររាត្រីឥណ្ឌូណេស៉ី នៅផ្លូវថ្មើរជើងចតុមុខ នឹងលើកកម្ពស់ទំនាក់ទំនង និងភាពស្និទ្ធស្នាលប្រជាជនឥណ្ឌូណេស៉ី និងកម្ពុជា (Video inside)

13-11-2025 14:28

(ភ្នំពេញ)៖ ផ្សាររាត្រីឥណ្ឌូណេស៉ី នៅផ្លូវថ្មើរជើងចតុមុខ នឹងលើកកម្ពស់ទំនាក់ទំនង និងភាពស្និទ្ធស្នាលរវាងប្រជាជនឥណ្ឌូណេស៊ី និងកម្ពុជា ព្រមទាំងជំរុញវិស័យទេសចរណ៍។ នេះបើយោងតាមឯកអគ្គរដ្ឋទូតនៃសាធារណរដ្ឋឥណ្ឌូនេស៊ីប្រចាំកម្ពុជា លោកបណ្ឌិត Santo Darmosumarto លើកឡើងក្នុងបទសម្ភាសជាមួយបណ្តាញព័ត៌មាន Fresh News ។

ផ្សាររាត្រីឥណ្ឌូណេស៉ី ក្រោមគំនិតផ្តួចផ្តើមរបស់ស្ថានទូតឥណ្ឌូណេស៉ីប្រចាំកម្ពុជា នឹងរៀបចំលើកដំបូង នៅថ្ងៃទី១៥-១៦ ខែវិច្ឆិកា ឆ្នាំ២០២៥ ចាប់ពីម៉ោង ៦ ដល់ម៉ោង ៩យប់ នៅផ្លូវថ្មើរជើងចតុមុខ ទល់មុខវត្តឧណ្ណាលោម។ ផ្សាររាត្រីឥណ្ឌូណេស៊ី នឹងមានស្តង់ចំនួន១២ ដែលផ្តល់ជូននូវម្ហូបអាហារ និងផលិតផលឥណ្ឌូនេស៊ីជាច្រើនប្រភេទ។

លោកបណ្ឌិត Santo Darmosumarto បានបញ្ជាក់ថា «ផ្សាររាត្រីឥណ្ឌូណេស៊ី គឺជាផ្នែកមួយនៃការទូតវប្បធម៌របស់ឥណ្ឌូនេស៊ីនៅកម្ពុជា។ ព្រឹត្តិការណ៍ដូចនេះបម្រើជាស្ពានសម្រាប់ការយល់ដឹងគ្នាទៅវិញទៅមក ដោយជំរុញទំនាក់ទំនងរវាងប្រជាជន និងប្រជាជនឲ្យកាន់តែរឹងមាំ។ ដោយទទួលបានបទពិសោធន៍តន្ត្រី របាំ និងអាហារឥណ្ឌូណេស៊ី អ្នកទស្សនាសង្ឃឹមថានឹងទទួលបានការកោតសរសើរកាន់តែជ្រៅចំពោះភាពចម្រុះ និងជួយបណ្តុះការយល់ឃើញវិជ្ជមានអំពីឥណ្ឌូនេស៊ី»។

ស្ថានទូតឥណ្ឌូណេស៉ី ក៏ស្នើសូមកុំភ្លេចនាំគ្រួសារ និងមិត្តភក្តិ ទៅកម្សាន្តនៅផ្សាររាត្រីឥណ្ឌូណេស៊ី ឱ្យបានច្រើនៗ និងសូមរីករាយជាមួយនឹង៖

*ម្ហូបឥណ្ឌូនេស៊ី ដែលមានដូចជា សាច់មាន់ចង្កាក់ និងប្រហិតក្តៅៗ
*ការសម្តែងវប្បធម៌ មានរបាំ តន្ត្រីបុរាណ និងកម្មវិធីជាច្រើនទៀត
*តន្ត្រីសប្បាយៗ មានការរាំតាមចង្វាក់ភេ្លង ដាំងឌុត របស់ឥណ្ឌូនេស៊ី និងភ្លេង EDM។

បើតាមលោកបណ្ឌិត Santo Darmosumarto អ្នកទស្សនាអាចរីករាយជាមួយការសម្តែងរបាំ និងតន្ត្រីប្រពៃណីឥណ្ឌូណេស៊ី ក៏ដូចជា ចង្វាក់ភ្លេង ដាំងឌុត Dangdut ដែលជាប្រភេទតន្ត្រីឥណ្ឌូណេស៊ីដ៏ពេញនិយម និងការលាយបញ្ចូលគ្នាដ៏ពិសេសនៃតន្ត្រីឥណ្ឌូណេស៊ី និងខ្មែរ។ ភ្ញៀវ ក៏នឹងមានឱកាសចូលរួមក្នុងហ្គេមសប្បាយៗ និងឈ្នះរង្វាន់ដ៏គួរឱ្យរំភើបដែលមានផលិតផលឥណ្ឌូណេស៊ីផងដែរ។

លោកបានបន្ថែមថា «តាមរយៈការចែករំលែកវប្បធម៌ឥណ្ឌូណេស៊ី តាមរយៈព្រឹត្តិការណ៍នេះ យើងសង្ឃឹមថាប្រជាជនកម្ពុជាកាន់តែច្រើននឹងស្គាល់ប្រទេសឥណ្ឌូណេស៊ី និងឈ្វេងយល់ពីផលិតផលឥណ្ឌូណេស៊ី។ ផ្សាររាត្រីឥណ្ឌណេស៉ី ប្រៀបបីដូចជាទីតាំងនៃការផ្លាស់ប្តូរវប្បធម៌។ ការផ្លាស់ប្តូរវប្បធម៌នៅផ្សាររាត្រីឥណ្ឌូណេស៊ី បើកទ្វារទៅរកឱកាសកាន់តែច្រើន សម្រាប់លើកកម្ពស់វិស័យទេសចរណ៍ និងបង្កើនពាណិជ្ជកម្មរវាងប្រទេសយើង»។

កម្ពុជា និងឥណ្ឌូណេស៊ីមានទំនាក់ទំនងការទូតជាមួយគ្នា តាំងពីឆ្នាំ១៩៥៩ ហើយឥណ្ឌូណេស៊ីបានរួមចំណែកក្នុងការស្វែងរកសន្តិភាពនៅកម្ពុជា តាមរយៈឥស្សរជនសំខាន់ៗដូចជា លោក ស៊ូកាណូ និងលោក អាលី អាឡាតាស ដែលឈ្មោះរបស់ពួកលោកត្រូវបានយកទៅដាក់ឱ្យឈ្មោះផ្លូវសំខាន់ៗនៅរាជធានីភ្នំពេញ។

លោកបណ្ឌិត Santo Darmosumarto បានលើកឡើងទៀតថា តាមរយៈផ្សាររាត្រីឥណ្ឌូណេស៊ី ស្ថានទូតសង្ឃឹមថា នឹងចែករំលែកមិនត្រឹមតែរសជាតិ និងចង្វាក់នៃប្រទេសឥណ្ឌូណេស៊ីប៉ុណ្ណោះទេ ប៉ុន្តែថែមទាំងស្មារតីនៃភាពសុខដុមរមនា ដែលបង្រួបបង្រួមប្រទេសយើងទាំងពីរផងដែរ។ លោកសង្ឃឹមថា ព្រឹត្តិការណ៍នេះនឹងជំរុញមិត្តភាព ការផ្លាស់ប្តូរវប្បធម៌ និងការគោរពគ្នាទៅវិញទៅមក ដោយបង្កើតឱកាសដើម្បីពង្រឹងចំណងមិត្តភាពរវាងប្រជាជនរបស់យើង។

លោកឯកអគ្គរដ្ឋទូត ក៏បានកត់សម្គាល់ឃើញពីការកើនឡើងនៃចំណាប់អារម្មណ៍ក្នុងចំណោមយុវជនកម្ពុជា ក្នុងការរៀនភាសាឥណ្ឌូណេស៊ី ដែលបង្ហាញពីរបៀបដែលប្រទេសឥណ្ឌូណេស៊ីកំពុងមានភាពទាក់ទាញកាន់តែខ្លាំងឡើង ចំពោះយុវជនជំនាន់ក្រោយ៕