(បន្ទាយមានជ័យ)៖ នៅថ្ងៃទី២០ ខែវិច្ឆិកា ឆ្នាំ២០២៥នេះ លោកស្រីអ្នកឧកញ៉ា ហេង វ៉េងហ៊ាង បានផ្តល់អំណោយម៉ូតូម៉ាក (HONDA Wave) ចំនួន១០គ្រឿង ជូនដល់អង្គភាពកងទ័ពជួរមុខទិសទី១ ខេត្តបន្ទាយមានជ័យ ចំណុះឱ្យយោធភូមិភាគទី៥ សម្រាប់បម្រើកិច្ចការងារប្រចាំថ្ងៃ ក្នុងការបំពេញភារកិច្ចការពារបូរណភាពទឹកដី និងប្រជាជនកម្ពុជា។

មេបញ្ជាការ មេបញ្ជាការរង នាយទាហាន នាយទាហានរង និងពលទហាននៃកម្លាំងជួរមុខទិសទី១ បន្ទាយមានជ័យ សូមថ្លែងអំណរគុណយ៉ាងជ្រាលជ្រៅនូវការយកចិត្តទុក្ខដាក់ និងលើកទឹកចិត្តដល់កងទ័ពជួរមុខ ក្នុងន័យសមរភូមិក្រោយគាំទ្រសមរភូមិមុខ របស់លោកស្រីអ្នកឧកញ៉ា ហេង វ៉េងហ៊ាង និងស្វាមី ព្រមទាំងបុត្រា បុត្រី សូមមានសុខភាពល្អ បវរសួស្តី ទទួលបានជ័យជំនះគ្រប់ភារកិច្ច និងជួបប្រទះតែនឹងពុទ្ធពរទាំង៤ប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕