(ភ្នំពេញ)៖ ក្រុមហ៊ុនសំណង់ក្នុងស្រុក បានបង្ហាញក្ដីរីករាយ ក្រោយពលរដ្ឋខ្មែរពហិការមិនប្រើផលិតផលនាំចូលរបស់ប្រទេសថៃ ដែលធ្វើឱ្យផលិតកម្មក្នុងស្រុកមានការកើនឡើងហួសការរំពឹងទុក។

ក្នុងកម្មវិធីពិព័រណ៍ឧស្សាហកម្ម និងផលិតភាពកម្ពុជា ដែលផ្ដួចផ្ដើមដោយលោកឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់, តំណាងក្រុមហ៊ុនសំណង់ចំនួន ២ បានលើកឡើងដូចៗគ្នាថា ក្រោយពីមានបញ្ហាជម្លោះព្រំដែនកម្ពុជា និងថៃ ពលរដ្ឋបានមូលមតិគ្នាពហិការមិនប្រើប្រាស់ផលិតផលរបស់ថៃ ក្នុងនោះក៏មានផលិតផលសំណង់ ដែលនាំឱ្យការផលិតក្នុងស្រុកមានការកើនឡើងគួរឱ្យត្រេកអរ៕