(ភ្នំពេញ)៖ លោក ខ្វៃ អាទិត្យា អនុរដ្ឋលេខាធិការ និងជាអ្នកនាំពាក្យក្រសួងបរិស្ថាន បានឱ្យដឹងនៅថ្ងៃទី៣ ខែធ្នូ ឆ្នាំ២០២៥នេះ ស្ថានភាពគុណភាពខ្យល់នៅក្នុងព្រះរាជាណាចក្រកម្ពុជា សម្រាប់ថ្ងៃទី២ ខែធ្នូ ឆ្នាំ២០២៥ ចាប់ពីម៉ោង ៧ព្រឹកដល់ម៉ោង ៧ព្រឹកថ្ងៃទី៣​ ខែធ្នូ ឆ្នាំ២០២៥ ដែលមានកំហាប់ភាគល្អិតនិចលគិតជាមធ្យមស្មើនឹង ២៤.៦៩​ µg/m3 ធៀបនឹងស្តង់ដារ ៥០ ug/m3 និងគិតជាសន្ទស្សន៍គុណភាពខ្យល់ (Air Quality Index) គឺ «ល្អណាស់»។

អ្នកនាំពាក្យរូបនេះ បានបញ្ជាក់ថា ពណ៌ខៀវ៖ គុណភាពខ្យល់ល្អណាស់មាន ខេត្តកំពង់ធំ ខេត្តឧត្តរមានជ័យ ខេត្តស្ទឹងត្រែង ខេត្តរតនគិរី ខេត្តព្រះសីហនុ ខេត្តពោធិ័សាត់ ខេត្តព្រះវិហារ ខេត្តកំពង់ស្ពឺ ខេត្តមណ្ឌលគីរី ខេត្តកំពង់ឆ្នាំង ខេត្តបាត់ដំបង ខេត្តកំពត​ ខេត្តត្បូងឃ្មុំ ខេត្តព្រៃវែង និងខេត្តប៉ៃលិន។

ដោយឡែកពណ៌បៃតង៖ គុណភាពខ្យល់ល្អមាន ខេត្តបន្ទាយមានជ័យ ខេត្តកំពង់ចាម ខេត្តកោះកុង រាជធានីភ្នំពេញ ខេត្តសៀមរាប ខេត្តកែប និង ខេត្តស្វាយរៀង។

ខណៈពណ៌លឿង៖ គុណភាពខ្យល់មធ្យមមាន ខេត្តកណ្តាល ប៉ុន្តែ នៅក្នុងករណីនេះប្រជាពលរដ្ឋអាចធ្វើដំណើរចេញក្រៅផ្ទះជាធម្មតាបាន។ សម្រាប់អ្នកដែលមានសុខភាពទន់ខ្សោយ ប្រសិនបើមានរោគសញ្ញាដំបូងដូចជា៖ ក្អក ការដកដង្ហើមពិបាក រលាកភ្នែកនោះសូមកាត់បន្ថយរយៈពេលនៃកម្មភាពចេញមកខាងក្រៅ៕