(កំពង់ធំ)៖ កម្លាំងអធិការដ្ឋាននគរបាលស្រុកតាំងគោក សហការជាមួយប៉ុស្ដិ៍នគរបាលរដ្ឋបាលឃុំទ្រៀល បានចុះបង្ក្រាបទីតាំងល្បែងជល់មាន់មួយកន្លែង នៅរសៀលថ្ងៃទី៣ ខែធ្នូ ឆ្នាំ២០២៥ ចំណុចភូមិឈូក(ដូនអាំ) ឃុំទ្រៀល ស្រុកតាំងគោក ខេត្តកំពង់ធំ។

សមត្ថកិច្ចបានបញ្ជាក់ថា នៅក្នុងប្រតិបត្តិការនេះ កម្លាំងជំនាញបានឃាត់ខ្លួនមនុស្សចំនួន៤នាក់ ដែលកំពុងប្រមូលផ្តុំគ្នាលេងល្បែងស៊ីសងខុសច្បាប់។ ក្នុងនោះវត្ថុតាងដែលដកហូតបានរួមមាន៖ ម៉ូតូចំនួន៧គ្រឿង, រថយន្តចំនួន១គ្រឿង, មាន់ជល់ចំនួន៤ក្បាល (ងាប់), ស្គុតចំនួន១ដុំធំ។

បច្ចុប្បន្នជនសង្ស័យទាំង៤នាក់ រួមទាំងវត្ថុតាងទាំងអស់ ត្រូវបានបញ្ជូនមកកាន់អធិការដ្ឋាននគរបាលស្រុកតាំងគោក ដើម្បីកសាងសំណុំរឿង និងចាត់ការបន្តតាមនីតិវិធី៕