(ស្វាយរៀង)៖ លោក សៅ សុខា សមាជិកគណៈអចិន្ត្រៃគណៈកម្មាធិការកណ្តាល គណបក្សប្រជាជានកម្ពុជា អនុប្រធានក្រុមការងារចុះជួយមូលដ្ឋានខេត្តស្វាយរៀង និងជាប្រធានក្រុមការងារចុះជួយមូលដ្ឋានស្រុកស្វាយទាប ខេត្តស្វាយរៀង នាព្រឹកថ្ងៃទី៤ ខែធ្នូ ឆ្នាំ២០២៥នេះ បានចុះជួបសំណេះសំណាលជាមួយលោកគ្រូ អ្នកគ្រូ សិស្សានុសិស្ស និងពិនិត្យវឌ្ឍនភាពការងារសាងសង់សាលាឋមសិក្សាតានូ ស្ថិតនៅភូមិថ្មី ឃុំសំបួរ ស្រុកស្វាយទាប ខេត្តស្វាយរៀង។

សូមបញ្ជាក់ដែរថា សាលាឋមសិក្សាតានូ ត្រូវបានលោក សៅ សុខា សន្យាកាលពីថ្ងៃទី១០ ខែមីនា ឆ្នាំ២០២៥ ថានឹងគៀងគសប្បុរជន ដើម្បីកសាងអគារសិក្សាយមួយខ្នងបន្ថែមទៀតដែលមាន ៦បន្ទប់ ដើម្បីងាយស្រួលដល់ លោកគ្រូអ្នកគ្រូ និងសិស្សានុសិស្សបានសិក្សារៀនសូត្រពេញម៉ោងព្រោះចំនួនសិស្សកើនឡើងជាលំដាប់។

បច្ចុប្បន្នការសាងសង់ បានប្រមាណ ៤០%ហើយ និងត្រូវសាងសង់រួចរាល់ជាស្ថាពរនៅខែមេសា ឆ្នាំ២០២៦ខាងមុខនេះ ។ អគារសិក្សានេះចំណាយថវិកាក្នុងការសាងសង់សរុបចំនួន ៦៨,០០០ដុល្លារ និមានទីតាំងស្ថិតនៅភូមិថ្មី ឃុំសំបួរ ស្រុកស្វាយទាប ខេត្តស្វាយរៀង៕