(ភ្នំពេញ)៖ បណ្ដាញព័ត៌មាន Fresh News និងស្ថាប័នព័ត៌មានមជ្ឈឹមចិនចំនួន៤ផ្សេងទៀតរួមមាន វិទ្យុមិត្តភាពកម្ពុជា-ចិន ទីភ្នាក់ងារសារព័ត៌មានស៊ីងហួរ ទីភ្នាក់ងារព័ត៌មានចិន និងកាសែតយុវជនចិន ត្រូវបានអញ្ជើញឲ្យចូលរួមដំណើរទស្សនកិច្ចនៅទំនប់វារីអគ្គិសនីតាតៃ នៅក្នុងខេត្តកោះកុង ចាប់ពីថ្ងៃទី០៥ ដល់ថ្ងៃទី០៧ ខែធ្នូ ឆ្នាំ២០២៥។

ដំណើរទស្សនកិច្ចនេះ ធ្វើឡើងដើម្បីឈ្វេងយល់ពីដំណើរការនៃទំនប់វារីអគ្គិសនី និងស្ថានភាពប្រជាពលរដ្ឋជាក់ស្ដែងនៅក្នុងតំបន់ ដើម្បីបង្ហាញជូនដល់ប្រជាពលរដ្ឋកម្ពុជា-ចិន ក្រោយពេលដែលទំនប់វារីអគ្គិសនីតាតៃ បានដំណើរការសាងសង់ និងផលិតអគ្គិសនីនៅកម្ពុជា អស់រយៈពេល១១ឆ្នាំកន្លងមក។

សូមបញ្ជាក់ថា ទំនប់វារីអគ្គិសនីតាតៃអនុភាព ២៤៦ មេហ្កាវ៉ាត់ បានចាប់ផ្ដើមដំណើរការសាកល្បងនៅដាក់ឱ្យដំណើរការនៅឆ្នាំ ២០១៤ វិនិយោគដោយក្រុមហ៊ុនចិន China National Heavy Machinery Corporation៕