(ភ្នំពេញ)៖ លោក ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានជំរុញឱ្យតាមបណ្តាសាកលវិទ្យាល័យ បណ្តុះបណ្តាលអ្នកជំនាញ AI កាន់តែតែច្រើន ខណៈក្រសួងទើបមានអ្នកជំនាញ AI ៥៣នាក់ប៉ុណ្ណោះ។

លោក ជា វ៉ាន់ដេត បានថ្លែងដូចនេះនាថ្ងៃទី០៥ ខែធ្នូ ឆ្នាំ២០២៥ នាឱកាសអញ្ជើញបើកវេទិកាអភិបាលកិច្ចអ៉ីនធឺណិតកម្ពុជា ឆ្នាំ២០២៥ ដែលជាព្រឹត្តិការណ៍អមក្នុងវេទិការដ្ឋាភិបាលឌីជីថល ពិព័រណ៍បច្ចេកវិទ្យាឌីជីថល និងព្រឹត្តិការជាតិ-អន្តរជាតិពាក់ព័ន្ធ។

លោក ជា វ៉ាន់ដេត បានថ្លែងដូចនេះថា ក្រសួងកំពុងតែបណ្តុះបណ្តាលអ្នកជំនាញ AI រាប់រយនាក់ នៅក្នុងសាកលវិទ្យាល័យ បន្ថែមលើក្រសួងប្រៃសណីយ៍ និងទូរគមនាគមន៍ នាពេលបច្ចុប្បន្ននេះដែលមានអ្នកជំនាញ AI តែ ៥៣នាក់នោះទេ សម្រាប់ការបណ្តុះបណ្តាលអ្នកជំនាញ AI បន្ទាប់ពីក្រសួងប្រៃសណីយ និងទូរគមនាគមន៍ គឺវិទ្យាស្ថានបច្ចេកវិទ្យកម្ពុជា (តិចណូ)។

លោក ជា វ៉ាន់ដេត បានបន្ថែមទៀតថា ក្រសួងប្រៃសណីយ៍ និងទូរគមនាគមន៍ ក៏កំពុងខិតខំសហការជាមួយបណ្តាសាលកវ​ិទ្យាល័យនានា ដើម្បីបណ្តុះបណ្តាលអ្នកជំនាញ AI សម្រាប់អនាគត់ប្រទេសជាតិរបស់យើងផងដែរ៕

សូមស្តាប់ការលើកឡើងរបស់លោក ជា វ៉ាន់ដេត៖