(ភ្នំពេញ)៖ នៅជាងមួយម៉ោងមុននេះ ពោលនៅទៀបភ្លឺថ្ងៃទី១៣ ខែធ្នូ ឆ្នាំ២០២៥នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានបង្ហោះសារលើបណ្តាញសង្គមថា សម្តេចបានជួបជជែកតាមទូរស័ព្ទជាមួយលោក ដូណាល់ ត្រាំ ប្រធានាធិបតីអាមេរិក និងលោក អាន់វ៉ា អ៊ីប្រាហ៊ីម នាយករដ្ឋមន្ត្រីម៉ាឡេស៊ី។

បើតាមសម្តេចនាយករដ្ឋមន្ត្រី ជំនួបនេះជជែកលើការបញ្ចប់សង្គ្រាមទល់ដែនរវាងកម្ពុជា-ថៃ និងវិលត្រឡប់ការអនុវត្តសេចក្តីថ្លែងការណ៍រវាងប្រទេសទាំងពីរឡើងវិញ។

ក្នុងជំនួបនេះ សម្តេចមហាបវរធិបតី ហ៊ុន ម៉ាណែត បានជូនយោបល់ទៅប្រធានាធិបតីអាមេរិក និងនាយករដ្ឋមន្ត្រីម៉ាឡេស៊ី ប្រើអ្នកជំនាញ និងប្រើវិធីសាស្ត្រនានា ដូចជាផ្កាយរណប ដើម្បីពិនិត្យមើលអ្នកផ្តើមការផ្ទុះអាវុធកាលពីថ្ងៃទី៧ ខែធ្នូ។

ខាងក្រោមជាសារទាំងស្រុងរបស់សម្តេចមហាបវរធិបតី ហ៊ុន ម៉ាណែត៖

ខ្ញុំបានពិភាក្សាតាមទូរស័ព្ទជាមួយឯកឧត្ដម Anwar Ibrahim នាយករដ្ឋ មន្ត្រីម៉ាឡេស៊ីនៅថ្ងៃព្រហស្បតិ៍ ទី១១ ខែធ្នូ និងកាលពីយប់មិញថ្ងៃទី១២ ខែធ្នូ ឆ្នាំ២០២៥ ជាមួយឯកឧត្ដម Donald Trump ប្រធានាធិបតី​សហ​រដ្ឋអាមេរិក ដើម្បីស្វែងរកវិធីឱ្យមានបទឈប់បាញ់រវាងកម្ពុជា-ថៃ ហើយ​ឱ្យ​ភាគីទាំងពីរវិលត្រលប់ទៅរកការអនុវត្តសេចក្ដីថ្លែងការណ៍រួមទីក្រុងគូឡាឡាំពួរ (Kuala Lumpur Joint Declaration)។

ខ្ញុំបានថ្លែងអំណរគុណឯកឧត្ដមទាំងពីរ ចំពោះការខិតខំប្រឹងប្រែង​ជាបន្ត​បន្ទាប់សំដៅសម្រេចឱ្យបាននូវសន្តិភាពយូរអង្វែងរវាងកម្ពុជា និងថៃ។ កម្ពុជាតែងតែប្រកាន់ខ្ជាប់នូវជំហរក្នុងការស្វែងរកការដោះស្រាយជម្លោះដោយសន្តិវិធី ស្របតាមស្មារតីនៃសេចក្ដីថ្លែងការណ៍រួមទីក្រុងគូឡាឡាំពួរ (Kuala Lumpur Joint Declaration)។

ចំពោះហេតុការណ៍បាញ់ប្រហារនៅរសៀលថ្ងៃទី៧ ខែធ្នូ ឆ្នាំ២០២៥ ដែល​បានបណ្ដាលឱ្យមានការផ្ទុះការប្រយុទ្ធជាថ្មីរវាងប្រទេសទាំងពីរ ខ្ញុំបាន​ផ្តល់​យោបល់ថា កងទ័ព ឬស្ថាប័នជំនាញរបស់សហរដ្ឋអាមេរិក និងប្រទេស​ម៉ា​ឡេស៊ី អាចប្រើសមត្ថភាពប្រមូលព័ត៌មានរបស់ពួកគេ ដូចជារូបភាពផ្កាយ​រណប​ដែលបានថតអំឡុងពេលនោះ និងក្រោយពេលនោះ រយៈពេល២៤​ម៉ោង ដើម្បីផ្ទៀងផ្ទាត់ថា តើភាគីណាបាញ់មុន។ វិធីសាស្រ្តនេះអាចជា​វិធី​សាស្ត្រងាយស្រួល និងមានតម្លាភាពបំផុត ក្នុងការផ្ទៀងផ្ទាត់ហេតុការណ៍​នេះ។ កម្ពុជាត្រៀមខ្លួនសហការ ក្នុងករណីមានតម្រូវការ។

I had phone conversations with both Prime Minister Anwar of Malaysia on Thursday 11 December and last night, 12 December 2025, with President Donald Trump of the United States, to find ways to have a ceasefire and return to the implementation of Kuala Lumpur Joint Declaration between Cambodia and Thailand.

I thanks both leaders for their continuous efforts to achieve a long-lasting peace between Cambodia and Thailand. Cambodia has always been adhering to peaceful means for dispute resolutions, in accordance with the KL Joint Declaration.

Regarding the shooting incident on the afternoon of 7 December 2025, which started this new round of fight between the two countries, I suggested to both leaders that militaries or agencies of United States and Malaysia can use their information gathering capabilities such as satellite imageries recorded during that time as well as for the next twenty four hours after that to verify which side opened fires first. This maybe the easiest and most transparent ways to verify the incident. Cambodia is ready to cooperate in anyway that is needed.