ក្រសួងការពារជាតិ៖ យោធាថៃ បន្តការបាញ់ប្រហារ មកលើកងកម្លាំងកម្ពុជា នៅក្នុងភូមិសាស្ត្រ ខេត្តបន្ទាយមានជ័យ និងខេត្តពោធិ៍សាត់ ដោយប្រើ F-16 និងកាំភ្លើងធំ (Video inside)
16-12-2025 17:54
(ភ្នំពេញ)៖ ក្រសួងការពារជាតិ បានចេញសង្ខេបស្ថានការណ៍ នៅតាមបន្ទាត់ព្រំដែនកម្ពុជា-ថៃ អំពីករណីកងកម្លាំងយោធាថៃ បន្តការបាញ់ប្រហារ មកលើកងកម្លាំងកម្ពុជា នៅយោធភូមិភាគទី៥ ក្នុងភូមិសាស្ត្រ ខេត្តបន្ទាយមានជ័យ និងខេត្តពោធិ៍សាត់ គិតចាប់ពីម៉ោង ១១៖០០នាទី រហូតដល់ម៉ោង១៧៖០០នាទីរសៀល ថ្ងៃទី១៦ ខែធ្នូ ឆ្នាំ ២០២៥៖
* ម៉ោង ១១៖១៩នាទី យោធាថៃ បានបន្តបាញ់ផ្លោងចូលភូមិសាស្ត្រ ខាងក្រោយភូមិជោគជ័យ។
* ម៉ោង ១៣៖៣៥នាទី យោធាថៃ បានប្រើប្រាស់ដ្រូនពាំក្បាលគ្រាប់ទម្លាក់ នៅភូមិសាស្ត្រអូរភ្លុកដំរី។
* ម៉ោង ១៥៖៤៦នាទី យោធាថៃ បានប្រើប្រាស់ដ្រូនខ្នាតធំហោះ រំលោភចូលដែនអធិបតេយ្យកម្ពុជា ក្នុងភូមិសាស្រ្តឃុំថ្មដា ស្រុកវាលវែង ខេត្តពោធិ៍សាត់។
* ចាប់ពីម៉ោង ១៥៖៥៤នាទី រហូតដល់ម៉ោង១៦៖០៤នាទី យោធាថៃ បានប្រើប្រាស់យន្តហោះ ចម្បាំង F-16 ចំនួន៣គ្រាប់ ចូលភូមិសាស្ត្រច្រកច១។
* ម៉ោង១៦៖១៧នាទី យោធាថៃ បានប្រើប្រាស់កាំភ្លើងធំ បាញ់ចូលភូមិសាស្ត្រច្រកច១។
ចំពោះស្ថានការណ៍នៅក្នុងភូមិសាស្រ្តផ្សេងទៀត មានសភាពស្ងប់ស្ងាត់ ប៉ុន្តែកងកម្លាំងរបស់យើងបន្តតាម ដានយ៉ាងយកចិត្តទុកដាក់ និងប្រុងប្រយ័ត្នខ្ពស់ជានិច្ច។
សូមគូសបញ្ជាក់ផងដែរថា គិតរហូតមកដល់ម៉ោងនេះ វីរកងទ័ព និងវីរនគរបាលកម្ពុជា បាននឹងកំពុង បន្តឈរជើងយ៉ាងរឹងមាំ ស្វាហាប់ មោះមុត និងនៅតែតស៊ូប្រយុទ្ធយ៉ាងស្វិតស្វាញ តតាំងជាមួយសត្រូវ ឈ្លានពាននៅគ្រប់សមរភូមិទាំងអស់ ក្នុងការបំពេញតួនាទីរបស់ខ្លួន ដើម្បីការពារបូរណភាពទឹកដីរបស់កម្ពុជា៕
